Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ەلوردادا تاعى ءبىر قارجى پيراميداسى انىقتادى

2021 jyldyń 17 qyrkúıek 2021 16:29

نۇر- سۇلتان. قازاقپارات - قارجىلىق مونيتورينگ اگەنتتىگى كەزەكتى قارجى پيراميداسىن انىقتادى، دەپ حابارلايدى قازاقپارات.

قارجى پيراميدالارىن ۇيىمداستىرۋشىلار الاياقتىق سحەمالاردى ءارتۇرلى جولدارمەن جاسىرادى. بۇل زەرگەرلىك بۇيىمداردى، تۋريستىك جولدامالاردى، باعالى قاعازداردى ساتىپ الۋ/ساتۋ قىزمەتتەرى، سونداي- اق كريپتوۆاليۋتالار مەن بيتكويندەردى ساتۋدىڭ جاڭا تاسىلدەرى بولۋى مۇمكىن. بۇل رەتتە، ولار كوزدەيتىنى تەك قانا ءبىر ماقسات - سەنگىش ازاماتتاردى «تابىسى تىم جوعارى» جوباعا الداپ تارتۋ، ال جوبا ەلەۋلى قارجى شىعىندارىنا اكەپ سوعادى.

قارجىلىق مونيتورينگ اگەنتتىگىنىڭ نۇر- سۇلتان قالاسى بويىنشا اۋماقتىق دەپارتامەنتى «انتارەس» قارجى پيراميداسى قىزمەتىنىڭ جولىن كەستى. قارجى پيراميداسىن ۇيىمداستىرۋشىلار جەكە تۇلعالاردىڭ اقشاسىن كاسىپكەرلىك قىزمەتكە تارتقان. ءبىراق ءىس جۇزىندە ولار قاراجاتتى قايتا ءبولۋ جانە ءبىر قاتىسۋشىلاردى باسقا سالىمشىلاردىڭ جارنالارى ەسەبىنەن بايىتۋ ارقىلى تابىس تاۋىپ وتىرعان.

اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە. قازىرگى ۋاقىتتا اۋماقتىق دەپارتامەنت بارلىق زارداپ شەككەن ادامداردى جانە كەلتىرىلگەن زالال سوماسىن انىقتاۋعا باعىتتالعان شارالار قابىلداپ كەلەدى. وسىعان بايلانىستى، اتالعان پيراميدانىڭ قىزمەتىنە اقشالاي سالىمداردى جۇزەگە اسىرعان بارلىق ازاماتتاردىڭ نۇر- سۇلتان قالاسى، جەلتوقسان كوشەسى، 43 مەكەنجايى، ق م ا اۋماقتىق دەپارتامەنتىنە جۇگىنۋىن سۇرايمىز.

Basty sózder: قوعام,
Joǵary qaraı