Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

فۋتزالدان الەم چەمپيوناتى: قازاقستان قۇراماسىنىڭ شيرەك فينالداعى قارسىلاسى انىقتالدى

2021 jyldyń 25 qyrkúıek 2021 08:30

نۇر-سۇلتان. قازاقپارات - قازاقستان قۇراماسىنىڭ فۋتزالدان الەم چەمپيوناتى شيرەك فينالىنداعى قارسىلاسى انىقتالدى، دەپ حابارلايدى قازاقپارات ءتىلشىسى.

شيرەك فينالدا 27- قىركۇيەكتە قازاقستاندىق فۋتزال شەبەرلەرى يرانمەن كەزدەسەدى.

يراندىق قۇراما بۇگىن 1/8 فينالدا وزبەكستان قۇراماسىن 9:6 ەسەبىمەن تىزە بۇكتىردى.

ەسكە سالساق، 23- قىركۇيەكتە قازاقستان جارىستىڭ اتالعان ساتىسىندا تايلاندتان 7:0 باسىم ءتۇستى. سول كۇنگى تاعى ءبىر كەزدەسۋدە ارگەنتينا پاراگۆايدى 6:1 ەسەبىمەن جەڭدى.

ايتا كەتسەك، 22- قىركۇيەكتە رەسەي ۆەتنامدى، ماروككو ۆەنەسۋەلانى 3:2 ەسەبىمەن جەڭىپ، شيرەك فينالعا شىققان بولاتىن.

ال، 24- قىركۇيەكتە 1/8 فينالدا يسپانيا مەن چەحيا، پورتۋگاليا مەن سەربيا قۇرامالارى شەبەرلىك بايقاستى. ەكى جۇپتىڭ جەڭىمپازدارى شيرەك فينالدا ءبىر-بىرىمەن كەزدەسەدى. قازىر شيرەك فينالداعى ماروككو مەن برازيليا، رەسەي مەن ارگەنتينا، قازاقستان مەن يران قۇرامالارىنىڭ كەزدەسەتىنى انىقتالدى.

قازاقستان قۇراماسى بۇدان بۇرىن الەم چەمپيوناتى فينالدىق ساتىسىندا ەكى مارتە باق سىنادى. 2000-جىلى ءبىرىنشى كەزەڭنەن اسا الماسا، 2016 -جىلى 1/8 فينالعا دەيىن جەتتى.

الەم چەمپيوناتىنىڭ فينالى 3- قازانعا بەلگىلەنگەن.

Basty sózder: سپورت,
Joǵary qaraı