Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ميلليون جىل ساقتالعان سۇيەك

2021 jyldyń 29 qarasha 2021 09:47

نۇر-سۇلتان.قازاقپارات - جاقىندا كەرن قۇرامىن زەرتتەگەن وتاندىق گەولوگتەر قازاقستان اۋماعىندا 200 ميلليون جىل بۇرىن ءومىر سۇرگەن ارحوزاۆردىڭ جاق سۇيەگىنىڭ قالدىعىن تاپتى.

مۇناي كومپانياسىنىڭ عىلىمي- تەحنيكالىق ورتالىعى سيرەك جادىگەردى كاسپي ماڭى باسسەينىنىڭ ترياس جانە جوعارعى پەرم شوگىندىلەرىنىڭ جيناقتالۋىن زەرتتەۋ كەزىندە انىقتاعان.

- جوبانىڭ ءبىر كەزەڭى ميكروفاۋناعا تالداۋ جۇرگىزۋگە ارنالدى. سول كەزدە كۇردەلى تورلى قۇرىلىمى بار اشىق سۇر ءتۇستى ارحوزاۆردىڭ جوعارعى جاق سۇيەگىنىڭ قالدىعىنا كەزىكتى. جالپى، ارحوزاۆردى قولتىراۋىنداردىڭ باستاۋى دەۋگە بولادى. ارحوزاۆر 250-205 ميلليون جىل بۇرىنعى ترياس كەزەڭىندەگى باۋىرىمەن جورعالاۋشىلار كلاسىنا جاتادى. جاق سۇيەكتى كاسپيي ماڭى ويپاتى ءۇشىن ەرەكشە جادىگەر دەي الامىز. ويتكەنى شىعىس ەۋروپا پلاتفورماسىندا ترياس كەزەڭىندەگى ارحوزاۆرلاردىڭ سۇيەگى كوپ كەزدەسپەيدى. ءقازىر تابىلعان سۇيەكتى كومپيۋتەرلىك توموگرافيا ادىسىمەن سكانەرلەۋ جۇرگىزىلدى، - دەيدى «قمگ ينجينيرينگ» جشس- نىڭ كەرندى تالداۋ قىزمەتىنىڭ باسشىسى نيكيتا پرونين.

ونىڭ ايتۋىنشا، كونە جادىگەردى وڭدەۋ كەزىندە جاق سۇيەگى ەكەنى راستالىپ وتىر. وندا 12 ءتىس بولعان. دالىرەك سيپاتتاۋ ءۇشىن سۇيەك ارنايى قۇرىلعى جانە قۇرالدارمەن تازارتىلادى. سودان كەيىن ۇلگى بەيىندى ينستيتۋتقا تاپسىرىلادى. وسىنداي سيرەك جادىگەر ميكروفاۋنا مەن پالەونتولوگيانى ودان ءارى زەرتتەۋگە تۇرتكى بولادى دەپ ۇمىتتەنەدى.

اتىراۋ وبلىسى

جولداسبەك كوشەرباي ۇلى

egemen.kz


Basty sózder: ايماق,
Joǵary qaraı