Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

قازاقستاندا ءورت كوبىنە نەدەن شىعادى؟

2021 jyldyń 29 qarasha 2021 21:46

نۇر-سۇلتان. قازاقپارات - ەلىمىزدە بولاتىن ءورت جاعدايىنىڭ نەگىزگى سەبەپتەرى اتالدى، دەپ حابارلايدى قازاقپارات ءتىلشىسى.

«وتكەن جىلدىڭ وسى كەزەڭىمەن سالىستىرعاندا ەلىمىزدە ءورت جاعدايى %16,5 عا ازايعان. ونىڭ ىشىندە ءورت سالدارىنان قازا تابۋ جاعدايى %22 عا، ال، جاراقات الۋ %27 عا تومەندەگەنى بايقالادى.

ەندى تالداۋ ناتيجەسىنە كەلسەك، ەلىمىزدە ءورت سالدارىنان قازا تاپقانداردىڭ %34,7 ى ماس كۇيىندە بولعان، %28,2 جاعدايدا ادامدار ۇيىقتاپ بىلمەي قالعان. جانە %4,3 ى ءورت كەزىندە ادامدار ساسقالاقتاپ، دۇربەلەڭگە بوي الدىرۋ سەبەپ بولىپ وتىر. ياعني نە ىستەۋ كەرەكتىگىن بىلمەي قالادى. جانە %2 جاعدايدا - موبيلدىلىكتىڭ بولماۋى سەبەپ»، - دەدى ق ر توتەنشە جاعدايلار مينيسترلىگى ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە ورتتەن قازا بولۋدىڭ 14 فاكتىسى بويىنشا سوت-مەديتسينالىق ساراپتاما قورىتىندىسى ازىرگە الىنعان جوق. ودان بولەك، ت ج م وكىلى ءورت شىعۋدىڭ نەگىزگى سەبەپتەرىنە توقتالىپ ءوتتى.

«%39,1 - ادامداردىڭ وتتى ابايسىز پايدالانۋى، %26 - ماس كۇيىندە شىلىم تارتىپ، ونىڭ قالدىعىن تاستاي سالۋ، %10 - ەلەكتر قۇرالدارىن قولدانۋ قاۋىپسىزدىگىن ساقتاماۋ، %6,5 - پەش جاعۋ ەرەجەسىن دۇرىس ورىنداماۋ، %4,3 - ءتۇرلى جارىلىستىڭ سالدارىنان ءورت تۋىندايدى. سونىمەن قاتار %2 قاساقانا ورتەۋ. جانە قازىرگى ۋاقىتتا 5 ءورت فاكتىسى بويىنشا سەبەبى انىقتالۋ ۇستىندە»، - دەيدى ول.

بۇعان دەيىن نۇربولات دەربىسوۆ بيىل ەلىمىزدە جىلىتۋ ماۋسىمى باستالعالى ۋلى گاز داتچيگى دەر كەزىندە دابىل قاعىپ 29 ادامنىڭ ءومىرىن ساقتاپ قالعانىن ايتتى.

Basty sózder: قوعام,
Joǵary qaraı