Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

شەتەلدىك مامان دانيار ەلەۋسىنوۆتىڭ چەمپيوندىق كەزدەسۋىندە نوكاۋت بولاتىنىن مالىمدەدى

2021 jyldyń 3 jeltoqsan 2021 18:12

نۇر-سۇلتان. قازاقپارات - تانىمال World Boxing News پورتالىنىڭ ءتىلشىسى فيل دجەي Vesti.kz تىلشىسىنە بەرگەن سۇقباتىندا ءبىرىنشى ورتا سالماقتا IBF بەلبەۋىنە تالاس ءۇشىن وتەتىن قازاقستاندىق دانيار ەلەۋسىنوۆ (10-0، 6 ك و) پەن ارگەنتينالىق حۋان ەرنان لەاو (15-1، 4 ك و) اراسىنداعى كەزدەسۋ تۋرالى ويىمەن ءبولىستى.

اڭگىمە بارىسىندا ول الداعى ايقاستاعى نوكاۋت تۋرالى دا ايتتى.

بۇل ەكى بوكسشى اراسىنداعى جەكپە-جەك 18- جەلتوقسان كۇنى نۇر-سۇلتان قالاسىندا وتەدى. جەكپە-جەكتەردى تىكەلەي ەفيردە «حابار» ارناسى كورسەتەدى.

«قارسىلاسى جاقسى. مۇنداي از ۋاقىتتىڭ ىشىندە مىقتى قارسىلاس تابۋ قيىن ەكەنى تۇسىنىكتى. ءبىراق ەلەۋسىنوۆتىڭ كومانداسى جاقسى جۇمىس اتقاردى. ارگەنتينالىق بوكسشىنىڭ تەحنيكاسى جامان ەمەس. دەگەنمەن دە ول دانيارعا مىقتى قارسىلىق كورسەتە المايتىن شىعار. قازاقستاندىق بوكسشىنىڭ دەڭگەيى جوعارى. بۇل كەزدەسۋدىڭ ەكىنشى جارتىسىندا نوكاۋت بولاتىنىنا سەنىمدىمىن»، - دەدى دجەي.

ەسكە سلايىق، بۇعان دەيىن ەلەۋسىنوۆ 33 جاستاعى مەكسيكالىق بوكسشى دانتە حاردونمەن (34-7، 25 ك و) كەزدەسۋى كەرەك ەدى. الايدا ول جاتتىعۋلارىنىڭ بىرىندە جاراقات الىپ، ايقاستان باس تارتتى.

Basty sózder: سپورت,
Joǵary qaraı