Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

قازاقستان اسكەرىندە جاڭا وقۋ جىلى باستالدى

2021 jyldyń 5 jeltoqsan 2021 09:03

نۇر- سۇلتان. قازاقپارات - قازاقستاننىڭ قارۋلى كۇشتەرىندە 2022 -جىلعا ارنالعان مىندەتتەر ايقىندالدى. جاڭا وقۋ جىلى قازاقستان اسكەرىنىڭ قۇرىلعانىنا 30 جىل تولۋىنا وراي «قارۋلى كۇشتەردىڭ 30 جىلدىعىنا - ءبىزدىڭ ەرەن ەڭبەگىمىز!» ۇرانىمەن وتەدى.

اسكەرلەردىڭ جاۋىنگەرلىك دايارلىعى ەلىمىزدىڭ قورعانىس قابىلەتىن ودان ءارى ارتتىرۋعا باعىتتالادى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.





اسكەري بولىمدەر مەن مەكەمەلەردە جاڭا وقۋ جىلى جاۋىنگەرلىك دايارلىق ساباقتارىنان باستالدى. اسكەر قاتارىنا جاڭا كەلگەن ساربازدار العاش رەت جاۋىنگەرلىك دابىل ءۇنىن ەستىدى. جاۋىنگەرلىك جانە جۇمىلدىرۋ دايارلىعى بويىنشا ساباقتار حابارلاندىرۋ جۇيەسىنىڭ ساپاسىن، شتابتار جۇمىسىنىڭ ۇيلەسىمدىلىگىن، بولىمشەلەر مەن بولىمدەردىڭ تۇراقتى ورنالاسۋ پۋنكتتەرىنەن شىعۋ جەدەلدىگىن تەكسەرۋگە باعىتتالعان.

2022 وقۋ جىلىندا قارۋلى كۇشتەردى دايارلاۋ اسكەري قىزمەتشىلەردىڭ بارلىق ساناتتارىن: وفيتسەرلەردى، سەرجانتتار مەن ساربازداردى قىزمەتتەرىنە، ولاردىڭ كاسىبي وسۋىنە قاراي مىندەتتەردى ورىنداۋعا، اسكەرلەردىڭ دايىندىعىن ارتتىرۋعا نەگىزدەلگەن. سونىمەن قاتار جەدەل، جاۋىنگەرلىك جانە جۇمىلدىرۋ دايارلىقتارىنىڭ نەگىزگى كۇشى اسكەري باسقارۋ ورگاندارىنىڭ جاۋىنگەرلىك جۇمىسىنىڭ ۇيلەسىمدىلىك دەڭگەيىن ارتتىرۋعا، شتابتار اراسىنداعى ءوزارا قارىم- قاتىناستارعا، كومانديرلەردە باعىنىستى بولىمدەردى باسقارۋدا ماشىقتانۋعا جانە بولىمشەلەردى شىنايى جاۋىنگەرلىك جاعدايعا كەلتىرۋگە جۇمىلدىرىلادى.





جاۋىنگەرلىك دايارلىقتىڭ جالپى 80 مىڭنان استام شارالارىن وتكىزۋ جوسپارلانۋدا، اتاپ وتسەك ونىڭ ىشىندە وقۋ- جاتتىعۋ، ءىس جۇزىندە وق اتۋ، پاراشيۋتپەن سەكىرۋ، جاتتىعۋ ۇشۋلارى، بولىمشەلەردىڭ دالالىق جورىقتارى، كەمەلەردىڭ تەڭىزگە شىعۋلارى جانە جاۋىنگەرلىك ماشينالاردى جۇرگىزۋ بار. اسكەرلەردىڭ جاۋىنگەرلىك دايارلىق دەڭگەيىن ارتتىراتىن اسكەري، ونىڭ ىشىندە حالىقارالىق وقۋ- جاتتىعۋلاردى وتكىزۋ باستى نازاردا.

قۇرلىق اسكەرلەرىنىڭ، اۋە قورعانىسى كۇشتەرىنىڭ، اسكەري- تەڭىز كۇشتەرىنىڭ، ارنايى ماقساتتاعى بولىمشەلەرى ۇجىمدىق قاۋىپسىزدىككە شارت ۇيىمى اياسىنداعى وقۋ- جاتتىعۋلار بارىسىندا ءوزارا ءىس- قيمىل ماسەلەلەرىن پىسىقتايدى. الداعى جىل جوسپارىندا ارنايى وپەراتسيالار كۇشتەرى قۇرامالارىنىڭ كەشەندى تەكسەرۋى، ەكى كەزەڭدى جانە ەكىجاقتى كوماندالىق- شتابتىق وقۋ- جاتتىعۋلار، «ايبار» جەدەل- ستراتەگيالىق ارنايى وقۋ- جاتتىعۋى، «بەكەت» داعدارىستىق جاعدايلارعا دەن قويۋ جونىندەگى كەشەندى وقۋ- جاتتىعۋى، سونداي- اق شىعىس ءوڭىرىنىڭ باسقارۋ ورگاندارىمەن جانە اسكەرلەرىمەن جۇمىلدىرۋ وقۋ- جاتتىعۋىن وتكىزۋ كوزدەلگەن.





ءبىر جىل ىشىندە مەڭگەرگەن ماشىقتارىن اسكەرلەر دايارلىقتىڭ سوڭعى كەزەڭى «ايبالتا-2022» ستراتەگيالىق كوماندالىق- شتابتىق وقۋ- جاتتىعۋىندا كورسەتەدى. قازاقستاندىق اسكەري قىزمەتشىلەر وزدەرىنىڭ كاسىبي دايارلىق دەڭگەيىن الەمنىڭ 40-تان استام ەلدىڭ ۇزدىك اسكەري ماماندارى قاتىساتىن ارميا حالىقارالىق ويىنداردا دا دالەلدەيدى.

كەلەسى جىلى جالپى اسكەري قۇرامالار مەن قۇرلىق اسكەرلەرىنىڭ بولىمدەرى «مەرگەن باتالونى» سايىسىندا جەڭىسكە جەتۋ ءۇشىن باعىن سىناماق. جارىس باعدارلاماسىنا جاۋىنگەرلىك ماشينالاردىڭ قارۋىنان، اتىس قارۋىنان وق اتۋ جاتتىعۋلارىن ورىنداۋ جانە مينااتقىش باتارەيالارى وفيتسەرلەرىنىڭ كەشەندى اتىس تاپسىرمالارىن شەشۋدەگى داعدىلارىن باعالاۋ كىرەدى. قۇرامالار مەن بولىمدەردى كەنەتتەن تەكسەرۋ تاجىريبەسى ساقتالادى.

اسكەرلەردىڭ جاۋىنگەرلىك اتىستى، ونىڭ ىشىندە تۇنگى جاعدايلاردا اتىس جۇرگىزە وتىرىپ، تاجىريبەلىك ءىس- قيمىلداردى پىسىقتاۋ ماقساتىندا قايتا توپتاۋ جانە بەيتانىس پوليگوندارعا جىبەرۋ مۇمكىندىكتەرى باعالانادى. جاۋىنگەرلىك دايارلىق ەرەكشەلىكتەرىندە قازىرگى زامانعى قارۋلى قاقتىعىستاردىڭ تاجىريبەسىن ەسكەرۋ ارقىلى اسكەرلەر ءىس- قيمىلىنىڭ جاڭا تاسىلدەرىن جەتىلدىرۋ، مەرگەندەردى، ۇشقىشسىز ۇشۋ اپپاراتتارى وپەراتورلارىن دايارلاۋدى جەتىلدىرۋ، اسكەري قىزمەتشىلەر مەن بولىمشەلەردىڭ اتىس دايارلىعىنىڭ ەلەمەنتى رەتىندە اسكەري تاكتيكالىق اتىستى ودان ءارى دامىتۋ بار.

اسكەرلەردىڭ قىزمەتى كۇرەستىڭ نەگىزگى باعىتتارىن، ۆيرۋستىڭ جاڭا شتامدارىن جانە پاندەميانىڭ ودان ءارى ءورشۋىنىڭ ورىن الۋى ىقتيمال احۋالدى ەسكەرە وتىرىپ، COVID-19-عا قارسى ءىس- قيمىل شارالارىن قاراستىرادى.

Joǵary qaraı