Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

سيپتومسىز ناۋقاستار ءۇشىن كارانتين مەرزىمى قىسقارتىلدى - اجار عينيات

2022 jyldyń 25 qańtar 2022 10:32

نۇر- سۇلتان. قازاقپارات - جاقىن بايلانىستا بولعان جانە سيپتومسىز ناۋقاستار ءۇشىن كارانتين مەرزىمى قىسقارتىلدى.

بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ءمالىم ەتتى، دەپ حابارلايدى قازاقپارات ءتىلشىسى.

«وميكرون» نۇسقاسىنان تۋىنداعان كوروناۆيرۋس ينفەكتسياسىنىڭ تارالۋ جىلدامدىعى مەن اعىمىنىڭ ەرەكشەلىكتەرىن ەسكەرە وتىرىپ، كارانتين جانە اشىقتاعى مارتەبەنىڭ وزگەرۋ مەرزىمدەرى قايتا قارالدى. سونىمەن، جاقىن بايلانىستا بولعان جانە سيپتومسىز ناۋقاستار ءۇشىن كارانتين مەرزىمى 14 تەن 10 كۇنگە دەيىن قىسقارتىلدى. بۇل رەتتە 7 تاۋلىكتەن كەيىن پ ت ر- زەرتتەۋدىڭ تەرىس ناتيجەسى بولعان كەزدە كارانتين اياقتالادى»، - دەدى مينيستر.

سونىمەن قاتار ونىڭ ايتۋىنشا، ەگەر قانداي دا ءبىر سەبەپتەرمەن 7 تاۋلىككە ارنالعان پتر- تەست تاپسىرىلماسا، وندا كارانتين تەستتى قوسىمشا تاپسىرۋسىز 10-شى كۇنى اياقتالادى.

«بۇل ولشەم شارتتار باس مەملەكەتتىك سانيتاريالىق دارىگەردىڭ شەكتەۋ شارالارى جونىندەگى جانە جۇمىس ەرەجەلەرى مەن اشىقتاعى مارتەبەنىڭ وزگەرۋىن ايقىندايتىن قاۋلىلارىندا كورىنىس تاپتى»، - دەدى اجار عينيات.

Basty sózder: ايماق,
Joǵary qaraı