Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ەڭبەك ءوتىلى مەن تاجىريبەسى جوق جاستار جۇمىسقا قالاي ورنالاسپاق - ساراپشى كەڭەسى

2022 jyldyń 27 qańtar 2022 08:46

نۇر- سۇلتان. قازاقپارات - ەلىمىزدە جىل سايىن ۋنيۆەرسيتەت جانە كوللەدجدەن جۇزدەگەن تۇلەك قانات قاعادى. ولارعا ورتاق ماسەلە، ماماندىعى مەن قالاۋىنا سايكەس جۇمىس تابۋ.

وسى ورايدا جۇمىسسىز جاس ماماندار نە ىستەۋ كەرەك؟ قايدا جۇگىنگەن ءجون؟ اتالعان ماسەلەگە قاتىستى «اتامەكەن» ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى ولجاس وردابايەۆ كەڭەسىن ۇسىندى، دەپ حابارلايدى قازاقپارات ءتىلشىسى.

«بيىلدان باستاپ ءبىلىم جانە عىلىم مينيسترلىگىمەن بىرگە كوللەدجدەردەگى ءبىلىم باعدارلاماسىن جەتىلدىرۋدى قولعا الامىز. ويتكەنى، زاماناۋي نارىق 4 جىل بويى ۋنيۆەرسيتەتتىڭ تۇلەگىن كۇتىپ وتىرمايدى. ولارعا مامان قازىر كەرەك. ياعني كوللەدج نەمەسە قىسقامەرزىمدى كۋرس بىتىرگەندەردى ىزدەيدى. وسى ورايدا كوللەدج باسشىلىعى مەن وندا ءبىلىم الىپ جاتقان تۇلەكتەردىڭ كوزقاراسىن وزگەرتۋ قاجەت. ول دەگەنىمىز جۇمىسقا ءساتتى تۇرۋ ءۇشىن ۋنيۆەرسيتەتتى ءبىتىرۋ مىندەتتى ەمەس دەگەن ءسوز»، - دەدى ولجاس وردابايەۆ «حابار-24» تەلەارناسىنىڭ «ينتەرۆيۋ» باعدارلاماسىنىڭ ەفيرىندە.

سونداي- اق، ۇلتتىق پالاتا وكىلى ديپلوم الىپ جۇمىس تابا الماي جۇرگەن تۇلەكتەر ءۇشىن قىسقامەرزىمدى باعدارلامالاردىڭ بارىن ايتتى.

«مەملەكەتتىك «ەڭبەك» باعدارلاماسى بار. قازىر ول ۇلتتىق جوبا اياسىندا قايتا جاندانىپ جاتىر. قىسقاسىن ايتقاندا، تۇلەك ەڭبەكپەن قامتۋ ورتالىعىنا جۇگىنە وتىرىپ، ءبىلىم- بىلىگىن جەتىلدىرىپ نەمەسە قايتا وقۋ كۋرسىنان وتە الادى. جاس تۇلەكتەرگە قاتىستى تاعى ءبىر پروبلەما، ەڭبەك ءوتىلى مەن تاجىريبە بولماعاندىقتان ولاردى ەشكىم جۇمىسقا المايدى. وسى ورايدا «جاستار پراكتيكاسى» جانە «العاشقى جۇمىس ورنى» اتتى ەكى باعدارلاما بار. وعان قاتىسۋ ءۇشىن ەڭبەكپەن قامتۋ ورتالىعىنا جۇگىنۋ كەرەك»، - دەيدى ول.

ودان بولەك، ەفير قوناعى اتالعان 2 باعدارلامانىڭ پايدالى تۇستارىنا توقتالىپ ءوتتى.

«جۇمىس بەرۋشىگە جاس تۇلەكتى پراكتيكاعا العانى ءۇشىن مەملەكەتتىك سۋبسيديا الۋىنا مۇمكىندىك بەرىلەدى. ال جاس مامان ءوز كەزەگىندە تاجىريبە جينايدى، ياعني ەڭبەك ءوتىلى جۇرەدى»، - دەدى ءتوراعا ورىنباسارى.

بۇعان دەيىن «اتامەكەن» ۇ ك پ وكىلى قازاقستاندا وقۋ بىتىرگەن جاستاردىڭ جۇمىس تابا الماۋىنىڭ سەبەبىن تۇسىندىرگەن ەدى.

Basty sózder: قوعام,
Joǵary qaraı