Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ءبىلىم بەرۋ جۇيەسىندەگى تاربيە جۇمىستارىنىڭ تۇجىرىمداماسى ازىرلەنەدى

2022 jyldyń 27 qańtar 2022 16:54

نۇر- سۇلتان. قازاقپارات - ءبىلىم بەرۋ جۇيەسىندەگى تاربيە جۇمىستارىنىڭ تۇجىرىمداماسى ازىرلەنەدى.

بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«ءبىلىم بەرۋ پروتسەسىندەگى ەڭ باستىسى - بۇل تاربيە. بۇل جايىندا ءبىز بىرنەشە رەت ايتتىق. ءتيىمدى ءبىلىم بەرۋ زياتكەرلىك ساپاعا تاربيەلەۋ، اقپارات الا ءبىلۋ جانە ونىمەن جۇمىس ىستەۋ ارقىلى عانا جۇرگىزىلەدى. ءبىلىم بەرۋ جۇيەسى رۋحاني باي، ادامگەرشىلىگى مول، زياتكەر، شىعارماشىل تۇلعالاردى دايىنداۋى ءتيىس. بۇل باعىتتا وتە كۇردەلى سۇراقتار تۇرعانىن جاقسى بىلەمىز. سوندىقتان وسى ماسەلەلەردىڭ ءبارىن تاربيە جۇيەسىنە تالداۋ جاسالىپ، شۇعىل ءارى جۇيەلى ءىس- شارالار قابىلداۋىمىز كەرەك. مەن بۇل جونىندە ارنايى كەڭەس وتكىزىپ، تاربيە جۇمىستارى جونىندە تۇجىرىمداما ازىرلەۋدى تاپسىرعان بولاتىنمىن. تۇجىرىمدامادا مەكتەپكە دەيىنگى ۇيىمدارداعى، مەكتەپتەگى، كوللەدجدەگى جانە جوعارى وقۋ ورىندارىنداعى تاربيە جۇمىستارى تولىق قامتىلاتىن بولادى. تۇجىرىمدامادا جاستاردى ەڭبەككە باۋلۋ، سپورتقا، شىعارماشىلىققا باۋلۋ باسىم باعىتتار بولۋى ءتيىس»، - دەدى ەرالى توعجانوۆ.

وسى رەتتە پرەمەر- ءمينيستردىڭ ورىنباسارى تۇجىرىمدامانى ۇكىمەتتىڭ 2022 -جىلعا ارنالعان ءىس- قيمىل جوسپارىنا ەنگىزۋ قاجەتتىگىن ايتىپ، ءبىرىنشى ۆيتسە- مينيستر شولپان كارينوۆاعا كەلەسى اپتادا جۇرگىزىلىپ جاتقان جۇمىستار جايلى بايانداۋدى تاپسىردى.

اۆتور: مارلان جيەمباي


Joǵary qaraı