Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ا ق ش قارجى ءمينيسترى: رەسەيگە سالىنعان سانكسيالار ەكىنشى دۇنيەجۇزىلىك سوعىستاعى سانكسيالارمەن تەڭ

2022 jyldyń 18 mamyr 2022 14:03

نۇر- سۇلتان. قازاقپارات – دۇيسەنبى كۇنى ا ق ش- تىڭ قارجى ءمينيسترى دجاننەت يەللەن رەسەي ورتالىق بانكىنىڭ بۇعاتتالعان اكتيۆتەرى مەن ەكىنشى دۇنيەجۇزىلىك سوعىس كەزىندە گيتلەرلىك گەرمانيا باسىپ العان ەلدەرگە سالىنعان سانكسيالاردى سالىستىردى. بۇل جونىندە Reuters اقپارات اگەنتتىگى حابارلادى.

پولشا ەۆرەيلەرىنە ارنالعان ۆارشاۆاداعى مۋزەيدە سويلەگەن يەللەن 1940 -جىلى ا ق ش- تىڭ سول كەزدەگى پرەزيدەنتى فرانكلين رۋزۆەلتتىڭ نورۆەگيا مەن دانيانىڭ اكتيۆتەرىنە سالعان سانكسياسىن ەسكە الدى. بۇل شارا گەرمانيا جاۋلاعان ەلدەردىڭ شەتەل بانكتەرىندەگى قارجىسىن پايدالانۋعا جول بەرمەۋ ءۇشىن جاسالعان. يەللەننىڭ سوزىنشە، وتكەن كەزەڭنىڭ ساباقتارى رەسەيگە قارسى تۇرۋعا ارنالعان ستراتەگيانى جاساۋ كەزىندە پايدالى بولعان.

«تيرانياعا قارسى قولداعى بارلىق قۇرالدارىمىزدى پادالانۋىمىز كەرەك. وتكەن تاجىريبە بۇگىن دە پايدالى... ءبىز رەسەيدى جاۋاپقا تارتۋعا جانە ۋكرايناعا قولداۋ كورسەتۋگە مەيلىنشە ىنتالى بولىپ وتىرمىز» دەدى يەللەن.

رەسەي اسكەرى ۋكرايناعا باسىپ كىرگەن سوڭ ا ق ش پەن ەۋروپا وداعى رەسەي بانكىنىڭ اكتيۆتەرىن بۇعاتتاپ، رەسەيدىڭ التىن ۆاليۋتا قورىنىڭ ۇشتەن ەكىسىنە جۋىعىنا رەسەي ۇكىمەتىنىڭ قولى جەتپەستەي ەتكەن.

رەسەيگە سالىنعان سانكسيالاردىڭ ماقساتى - رەسەيدى ۋكراينادا سوعىس جۇرگىزۋ مۇمكىندىگىنەن ايىرۋ. ۆلاديمير پۋتيننىڭ اينالاسىنداعىلار مەن رەسەي ۇكىمەتىمەن تىعىز بايلانىستاعى ميللياردەرلەرگە دە قارجى- ەكونوميكالىق سانكسيا سالىنعان.


Basty sózder: الةم,
Joǵary qaraı