Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ءالىمحان ۇلىنان قاشقان مەكسيكالىق قانات يسلامدى جەڭگەن بوكسشىمەن ايقاسادى

2022 jyldyń 19 mamyr 2022 16:57

نۇر-سۇلتان. قازاقپارات – 1- ماۋسىم كۇنى اناحايم (كاليفورنيا شتاتى، ا ق ش) قالاسىنداعى Honda Center سپورت كەشەنىندە الەمنىڭ بۇرىنعى چەمپيونى، ورتا سالماقتاعى مەكسيكالىق حايمە مۋنگيا (39-0، 31 ك و) مەن ۇلى بريتانيالىق دجيممي كەللي (26-2، 10 ك و) جەكپە-جەك وتكىزەدى، دەپ جازادى vRINGe.com پورتالى ESPN Mexico باسىلىمىنا سىلتەمە جاساپ.

وسىعان دەيىن مۋنگيا WBC بەلبەۋىنىڭ يەگەرى دجەرمالل چارلومەن كەزدەسۋ وتكىزەدى دەگەن ەدى. ءبىراق ەكى بوكسشى سىياقى ماسەلەسىنە كەلىسە المادى. سودان سوڭ حايمە اقشا ماسەلەسى بويىنشا امەريكالىق دەنيەل دجەيكوبسپەن دە بىتىمگە كەلمەدى. كەيىن مەكسيكالىق ورتا سالماقتاعى WBO بەلبەۋىن جانىبەك ءالىمحان ۇلىنا قارسى كەزدەسۋدە ساراپقا سالۋى كەرەك ەدى. ءبىراق مۋنگيا بۇل ايقاستان دا باس تارتتى.

مەكسيكالىق بوكسشى ورتا سالماقتاعى WBO بەلبەۋىنىڭ يەگەرى امەريكالىق دەمەتريۋس اندرادەمەن دە كەزدەسەتىن مۇمكىندىگى بولدى. دەگەنمەن ول كەزدە حايمە ورتا سالماققا ءالى بوي ۇيرەتپەگەنىن ايتىپ، تاعى دا كەلىسپەدى. وسىلايشا، مۋنگيا ەندى كەلليمەن جۇدىرىقتاساتىن بولدى.

كەللي 2015-جىلى ءبىرىنشى ورتا سالماقتا WBO بەلبەۋىنە ۇمىتكەر بولدى. ءبىراق وتانداسى ليام سميتكە قارسى جەكپە-جەكتە جەڭىلدى.

سوڭعى كەزدەسۋىن ول قازاقستاندىق قانات يسلامعا (28-1, 22 ك و) قارسى ءوتىزىپ، ءبىزدىڭ بوكسشىدان ايلاسىن اسىردى.

ايتا كەتەيىك، بۇل يسلامنىڭ كاسىپقوي بوكستاعى ءبىرىنشى جەڭىلىسى بولدى. ءالىمحان ۇلى بولسا شارشى الاڭعا 22- مامىردا ورالادى. ول ورتا سالماقتاعى WBO بەلبەۋىنىڭ «ۋاقىتشا» چەمپيونى اتاعىن ۇلى بريتانيالىق دەنني ديگنۋممەن (14-0-1، 8 KO) ساراپقا سالادى.


Basty sózder: سپورت,
Joǵary qaraı