Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

شىمكەنتتەگى جارىلىستان ءۇشىنشى ادامنىڭ قايتىس بولعانى حابارلاندى

2022 jyldyń 21 mamyr 2022 17:32

نۇر- سۇلتان. قازاقپارات - شىمكەنت قالاسىنداعى №1 وبلىستىق پەريناتالدىق ورتالىقتىڭ جانىنداعى جەكە ءدارىحانا عيماراتىندا بولعان جارىلىستان ءۇش ادام قايتىس بولدى.

بۇل تۋرالى دەنساۋلىق ساقتاۋ مينيسترلىگى ءمالىم ەتتى، دەپ حابارلايدى قازاقپارات ۆەدومستۆوعا سىلتەمە جاساپ.

«وكىنىشكە قاراي، 1979 -جىلى تۋعان كۇزەتشى ب. , 1980 -جىلى تۋعان جۇمىسشى ش. جانە 18 كۇن بۇرىن تۋعان 1 ءسابي قايعىلى وقيعانىڭ قۇربانى بولدى. قازا تاپقانداردىڭ وتباسىلارىنا كوڭىل ايتامىز. زارداپ شەككەندەرگە كومەك كورسەتۋ جانە وسى قايعىلى وقيعانى تەرگەۋ ءۇشىن ۆەدومستۆو بارلىق قاجەتتى شارالاردى قابىلدايدى»، - دەلىنگەن مينيسترلىك حابارلاماسىندا.

ۆەدومستۆو ءمالىم ەتكەندەي، تاعى 8 ادام زارداپ شەكتى. ولاردىڭ بارلىعى قالانىڭ مەديتسينالىق مەكەمەلەرىنە جاتقىزىلدى. زارداپ شەككەندەرگە ا. سىزعانوۆ اتىنداعى ۇعحو دارىگەرلەرى كەڭەس بەرىپ جاتىر. پسيحولوگتار توبىنىڭ جۇمىسى ۇيىمداستىرىلعان.

ايتا كەتەيىك، بۇعان دەيىن شىمكەنتتەگى پەريناتالدىق ورتالىقتىڭ قاسىنداعى ءدارى ساقتايتىن ەكى قاباتتى عيماراتتا جارىلىس بولعانىن حابارلادىق. پەرزەنتحانا عيماراتى مەن تۇرعىن ۇيگە زاقىم كەلىپ، ونداعى ادامدار قاۋىپسىز جەرگە كوشىرىلگەن ەدى. شىمكەنتتەگى جارىلىستان كۇزەتشىمەن قوسا ءبىر نارەستە شەتىنەگەنى ءمالىم بولدى.

Basty sózder: ايماق,
Joǵary qaraı