Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

سەنات ءتوراعاسى قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ توراعاسىمەن كەزدەستى

2022 jyldyń 23 mamyr 2022 09:01

نۇر- سۇلتان. قازاقپارات - قازاقستان رەسپۋبليكاسى پارلامەنتى سەناتىنىڭ ءتوراعاسى ماۋلەن اشىمبايەۆ قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ ءتوراعاسى ۋاڭ يانمەن كەزدەستى، دەپ حابارلايدى «حابار 24».





سەنات سپيكەرى قازاقستان قىتايمەن ىنتىماقتاستىقتى دامىتۋعا جانە ءتۇرلى باعىتتاعى ءوزارا ءىس- قيمىلدىڭ جوعارى دەڭگەيىن ءارى قاراي ىلگەرىلەتۋگە ەرەكشە ءمان بەرەتىنىن اتاپ ءوتتى. سونداي- اق ماۋلەن اشىمبايەۆ ەل پرەزيدەنتى قاسىم- جومارت توقايەۆتىڭ 2019 -جىلى قىتايعا جاساعان ساپارىنا نازار اۋداردى. ول ءوز سوزىندە سول ساپار كەزىندە مەملەكەت باسشىلارى قازاقستان مەن قىتاي ماڭگىلىك، ستراتەگيالىق جانە جان- جاقتى سەرىكتەستىكتى دامىتۋعا بەيىلدى ەكەنىن راستايتىن بىرلەسكەن مالىمدەمەگە قول قويعانىن ايتتى.

«ءبىزدىڭ ەلدەرىمىزدىڭ مەملەكەت باسشىلارى قول جەتكىزگەن ۋاعدالاستىقتاردى ىسكە اسىرۋ بارىسىندا قازاقستان پارلامەنتىنىڭ سەناتى مەن قىتايدىڭ حالىقتىق ساياسي كونسۋلتاتيۆتىك كەڭەسى اراسىنداعى ىنتىماقتاستىقتىڭ ماڭىزى زور. بۇل ءبىزدىڭ الداعى ءوزارا ءىس- قيمىلىمىزدىڭ نەگىزى بولۋعا ءتيىس. ءبىز ەكىجاقتى ءوزارا ءتيىمدى ىنتىماقتاستىقتىڭ ءتۇرلى باعىتتارى بويىنشا بىرلەسكەن جۇمىسقا دايىنبىز»، - دەدى ماۋلەن اشىمبايەۆ.

سونىمەن قاتار ول پارلامەنت سەناتى قىتايلىق ارىپتەستەرىمەن ەكىجاقتى شەشىمدەردى ساراپتامالىق تۇرعىدان قولداۋ، زاڭداردىڭ ورىندالۋىن باقىلاۋ، سونداي- اق، قوعامدىق كەلىسىمدى نىعايتۋ جانە ءدىنارالىق ديالوگتى ىلگەرىلەتۋ سالاسىندا تاجىريبە الماسۋعا دايىن ەكەنىن تىلگە تيەك ەتتى. سەنات ءتوراعاسى مەملەكەت باسشىسىنىڭ باستاماسىمەن قازاقستاندا جۇرگىزىلىپ جاتقان ساياسي رەفورمالارعا دا توقتالىپ ءوتتى. اتاپ ايتقاندا، كەزدەسۋدە كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى الداعى رەسپۋبليكالىق رەفەرەندۋم جانە وعان دايىندىق بارىسى تۋرالى ءسوز بولدى.

ءوز كەزەگىندە، قىتايدىڭ حالىقتىق ساياسي كونسۋلتاتيۆتىك كەڭەسى بۇكىل قىتايلىق كوميتەتىنىڭ ءتوراعاسى ۋاڭ يان قازاقستاندا جۇرگىزىلىپ جاتقان رەفورمالار جونىندە وڭ پىكىرىن ءبىلدىردى. سونداي- اق قىتاي ءتۇرلى سالاداعى دوستىق پەن تاتۋ كورشىلىك قاعيداتتارى نەگىزىندە ءبىزدىڭ ەلمەن جان- جاقتى ءوزارا ءتيىمدى ىنتىماقتاستىقتى جالعاستىرۋعا دايىن ەكەنىن جەتكىزدى. كەزدەسۋ سوڭىندا ماۋلەن اشىمبايەۆ ۋاڭ يانعا مازمۇندى ديالوگ ءۇشىن العىس ءبىلدىرىپ، ەكىجاقتى ىنتىماقتاستىقتىڭ ودان ءارى كەڭەيە بەرەتىنىنە سەنىم ءبىلدىردى.


Joǵary qaraı