Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ەلوردادا العاش رەت كۇي جارمەڭكەسى ۇيىمداستىرىلدى

2022 jyldyń 23 mamyr 2022 17:02

نۇر- سۇلتان. قازاقپارات - ەلوردادا العاش رەت كۇي جارمەڭكەسى ۇيىمداستىرىلدى. مادەني- رۋحاني ءىس- شارا دينا نۇرپەيىسوۆانىڭ ەسكەرتكىشىنە گۇل شوقتارىن قويۋمەن باستالدى، دەپ حابارلايدى قازاقپارات ءتىلشىسى.

الدىمەن «التىن دومبىرا» بالالار مەكتەبىنىڭ شاكىرتتەرى مەن قالاداعى №37 مەكتەپ- ليسەيدىڭ وقۋشىلارى ونەر كورسەتتى. ق ر ەڭبەك سىڭىرگەن قايراتكەرلەرى، كاسىبي كۇيشى- دومبىراشىلار تۇرار الىپبايەۆ پەن انار مۇزداحانوۆا بىرنەشە كۇي تارتىپ، كورەرمەندەردىڭ قوشەمەتىنە بولەندى. جينالعاندار الدىندا «كۇي اناسى» رەسپۋبليكالىق قورىنىڭ جەتەكشىسى تولەگەن قۋانىشيەۆ پەن نۇر- سۇلتان قالاسى قوعامدىق كەڭەسىنىڭ ءتوراعاسى زۋلفۋحار گايپوۆ ءسوز سويلەدى.




«وتكەن جىلى ۇلتتىق دومبىرا كۇنى قارساڭىندا كۇي اناسى اتانعان دينا نۇرپەيىسوۆانىڭ ەسكەرتكىشى اشىلىپ ەدى. سالتاناتتى جيىندا ازاماتتار «وسى جەردى بولاشاقتا ونەر ورتالىعىنا اينالدىرىپ، تۋريستىك كلاستەر ۇيىمداستىرايىق» دەگەن پىكىرلەرىن بىلدىرگەن. بىزدەر قالا اكىمى التاي كولگىنوۆكە ۇسىنىس جاساپ، سونىڭ ناتيجەسىندە وسى الاڭ بولاشاقتا قازاق حالقىنىڭ كۇيشىلەرى مەن كۇيشى- كومپوزيتورلار اللەياسى اتاناتىن بولدى. حالىققا، سونىڭ ىشىندە جاستارعا ءتول ونەرىمىز - كۇيدى دارىپتەۋ مەن ناسيحاتتاۋ ماقساتىندا مادەني ءىس- شارالاردى ۇسىنعان بولاتىن. مىنە، بۇگىن سول ۇسىنىستى جۇزەگە اسىرۋدىڭ ءساتى ءتۇسىپ تۇر»، - دەدى ت. قۋانىشيەۆ.




باعدارلاماعا سايكەس كۇي جارمەڭكەسىندە جۇرتشىلىق ىشىنەن ءوز ونەرىن كورسەتەمىن دەگەن ادامدار ورتاعا شاقىرىلدى. ق ر ەڭبەك سىڭىرگەن قايراتكەرلەرى، كۇيشى، ۇستازدار ايتجان توقتاعان مەن ورىنباي دۇيسەن قازىلىق جاسادى. سايىسقا وننان استام ۇمىتكەر قاتىستى. سونىڭ ىشىندە نارگيز قاسىموۆا جەڭىمپاز اتانىپ، ۇكىلى دومبىراعا يە بولدى. سونداي- اق «كۇي اناسى» رەسپۋبليكالىق قورى قالالىق زياتكەرلىك مەكتەپ وقۋشىلارىنا 10 دومبىرانى سىيعا تارتتى. وسى كۇنى قوعام جانە ونەر قايراتكەرلەرى ەسكەرتكىش ماڭىنا 15 كە جۋىق قاراعاي اعاشتارىن وتىرعىزدى. كۇي جارمەڭكەسىن نۇر- سۇلتان قالالىق قوعامدىق كەڭەسى، قالالىق جاستار ساياساتى باسقارماسى جانە «كۇي اناسى» رەسپۋبليكالىق قورى ۇيىمداستىردى.








Basty sózder: مادةنيةت,
Joǵary qaraı