Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

قازاقستاندا باسپاناعا مۇقتاج نۇرعىنداردىڭ سانى انىقتالدى

2022 jyldyń 24 mamyr 2022 16:42

نۇر-سۇلتان. قازاقپارات - ەلىمىزدە 608 مىڭنان استام ادام تۇرعىن ۇيگە مۇقتاج.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ازىمبەك نالىبايەۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەتتىك باسىم باعىتتاردىڭ ءبىرى - تۇرعىنداردىڭ باسپانا ماسەلەسىن شەشۋ. قازىرگى ۋاقىتتا 608 مىڭنان استام قازاقستاندىق باسپاناعا مۇقتاج. ونىڭ ىشىندە 242 مىڭ ادام الەۋمەتتىك وسال توپ ساناتىنا جاتادى، 85 مىڭنان استام كوپبالالى وتباسى جانە 217 مىڭنان استام بيۋجەت سالاسى قىزمەتكەرلەرى بار. سونىمەن قاتار اتا-انا قامقورلىعىنان ايىرىلعان 60 مىڭنان استام ادام تۇرعىن ءۇي كەزەگىندە تۇر»، - دەدى ازىمبەك نالىبايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، جوعارىدا اتالعان ازاماتتاردى تۇرعىن ۇيمەن قامتۋ ماسەلەسى «نۇرلى جەر» مەملەكەتتىك باعدارلاماسى اياسىندا جۇزەگە اسىپ جاتىر.

«اتاپ ايتقاندا، ءوڭىر اكىمدىكتەرى ساتىپ الۋ قۇقىعىنسىز جالعا بەرىلەتىن باسپانالار سالىپ جاتىر. سول سەكىلدى كرەديتتىك تۇرعىن ۇيلەر بار. ودان بولەك، بيىل 18- ساۋىردەن باستاپ جەكەلەگەن ساناتتارعا جاتاتىن ازاماتتاردان «وتباسى بانك» ا ق ارقىلى جالعا بەرىلەتىن تۇرعىن ءۇي اقىسىن تولەۋگە سۋبسيديا الۋعا ءوتىنىش قابىلدانىپ جاتىر. مەملەكەتتەن سۋبسيديا الۋعا كوپبالالى وتباسىلار، 1، 2-توپتاعى مۇگەدەك جاندار، جەتىم بالالار جانە مۇگەدەك بالا تاربيەلەپ وتىرعان وتباسىلار قۇجات تاپسىرا الادى»، - دەيدى ول.

Joǵary qaraı