Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Artyq júk tıep júrgen kólikterge qatysty aıyppuldar tıimsiz bolyp tur - Berik Kamalıev

2021 jyldyń 21 qyrkúıek 2021 17:56

NUR-SULTAN. QazAqparat – Júkti shamadan tys tıep júretin kólikterge qatysty aıyppul salý tıimsiz sheshim bolyp tur. Bul týraly Májiliste zańnamalyq aktilerge kólik máseleleri boıynsha ózgerister engizý týraly zań jobasyn tanystyrý kezinde QR Indýstrııa jáne ınfraqurylymdyq damý vıtse-mınıstri Berik Kamalıev aıtty, dep habarlaıdy QazAqparat tilshisi.

Talqylaý barysynda júkti shamadan tys artyq tıep, joldy buzatyn kólikterdi shekteý máselesi týraly surayq qoıyldy.

Óz kezeginde vıtse-mınıstr Berik Kamalıev avtojoldarda shamadan artyq júkti kóbine qytaılyq kólikter tıep alatynyn rastady.

«Qytaılyq júk kólikteri 40 tonnaǵa deıin ınertti materıaldardy tasymaldaýǵa qaýqarly. Olar avtojolǵa óte joǵary júkteme túsiredi. Bizde kóliktik baqylaý ınspektorlary bar, artyq júk tıegenderdi toqtatady. Alaıda bul júk kóligin tizgindegen júrgizýshiler ınspektordy elemeı, ary qaraı júre beretin jaǵdaılar da kezdesip jatyr. Bul kólikter qalanyń ishindegi joldardy da buzyp júrgeni belgili. Sondyqtan aıyppuldar sekildi is-sharalar tıimsiz ekenin kórsetip otyr», - dedi vıtse-mınıstr.

Sonymen qatar ol kóliktik baqylaýdaǵy sybaılas jemqorlyq jaǵdaılary da bar ekenin aıtty.

«Sondyqtan álemdik tájirıbe ınspektorlardyń bolmaýyn eskerip otyr. Inspektorlar júrgizýshilermen baılanysta bolmaýy kerek» - dedi Berik Kamalıev.

Budan buryn habarlanǵandaı, joldarda kólik quraldarynyń salmaq jáne kólem parametrlerin ólsheıtin avtomattandyrylǵan stantsııalardy ornatý josparlanýda. Zań jobasynda ólsheý stantsııalaryn ornatý jáne olardyń jumys isteý tártibin aıqyndaıtyn normalar kózdelgen.

Bul rette stantsııalar adamnyń qatysýynsyz «Sergek» qaǵıdaty boıynsha jumys isteıtin bolady.


Joǵary qaraı