Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Arysta polıtseıge qarsylyq kórsetip, uryp-soqqan turǵyn qamaýǵa alyndy

2020 jyldyń 20 qarasha 2020 16:41

ARYS. QazAqparat - Túrkistan oblysynda polıtseıge qarsylyq kórsetken turǵyn jaýapqa tartyldy, dep habarlaıdy QazAqparat oblystyq polıtsııa departamentine silteme jasap.

Arys APB polıtseıleri aýdan boıynsha qoǵamdyq tártiptiń saqtalýyn qadaǵalap, túrli qylmystardyń aldyn alý baǵytynda kúndelikti qarqyndy qyzmet atqaryp jatyr.

Osyndaı kezekti jumys kúninde ózine bekitilgen aýmaqta qoǵamdyq tártipti saqtap, jol qaýipsizdigin qamtamasyz etip júrgen polıtseı Arys qalasynyń kósheleriniń birinde jaryq berýshi shamyn jaqpaı jáne qaýipsizdik belbeýin taqpaı kele jatqan «DAEWOO NEXIA» markaly kóligin toqtatady.

Atalmysh avtokólik júgizýshisiniń qujattaryn tekserý kezinde polıtseıdiń qyzmettik kóliginiń aldyna «TOYOTA CAMRY» kóligi toqtap, ishinen júrgizýshi túsip, polıtseıden «DAEWOO NEXIA» kóligin ne sebepti toqtatyp turǵanyn suraı bastaıdy.

Oǵan qosa, polıtseıdiń jumysyna kedergi keltirip, onyń ákimshilik hattama toltyrýyna qarsylyq kórsetedi. Osylaısha turǵyn óz qyzmetin atqarmaq bolǵan tártip saqshysynyń zańdy talaptaryna baǵynbaı, dóreki minezin kórsete bastaıdy.

Bılik ókiline til tıgizip, balaǵat sózdermen qorlap, aýzyna kelgenin aıtady. Tártip saqshysy sabyrǵa kelýin suraǵanymen, quqyq buzýshy zańǵa baǵynbaı óziniń teris áreketterin jalǵastyra beredi.

Tipti patrýldik polıtsııa tobynyń ınspektoryna kúsh qoldanyp, sebepsiz qol judyryǵymen bas shúıdesinen uryp, jaǵasynan alyp, oń jaq mańdaı shekesinen basymen soqqy berip, oqıǵa ornynan qashyp ketedi.

Atalǵan jaıt QR QK 380-baby boıynsha tirkeldi. Polıtseıler bılik ókiline qarsy kelip, balaǵattap, kúsh qoldanǵan turǵyndy ustaý maqsatynda qajetti sharalardy atqarady.

Quqyq buzýshy turǵyn turǵylyqty mekenjaıynda ustaldy. Ol APB-ne jetkizildi.

Tergeý barysynda anyqtalǵandaı, negizinde polıtseı toqtatyp, ákimshilik hattama toltyrmaq bolǵan kólik quqyq buzýshynyń kóligi bolyp shyqty.

Ol tanysyna kólikti jetkizip berýin ótinip, ózi sońynan kele jatqan. Quqyq buzýshy azamat óziniń kinásin tolyǵymen moıyndady, qamaýǵa alyndy. Qazirgi tańda sotqa deıingi tergeý amaldary júrgizilýde.


Basty sózder: Oqıǵa, Túrkistan oblysy, Zań,
Joǵary qaraı