Aýa raıy
Astana 15 °S
Almaty 16 °S
valıýta baǵamy
USD 385.42
EUR 424.58
RUB 6.00
CNY 54.31

Arystaǵy jarylys: Áskerı bólimniń komandıri men orynbasary qamaýǵa alyndy

2019 jyldyń 23 tamyz 2019 21:46

NUR-SULTAN. QazAqparat – Arystaǵy jarylysqa qatysty áskerı bólimniń komandıri men onyń orynbasary qamaýǵa alyndy, dep habarlaıdy QazAqparat ІІM silteme jasap.

«2019 jyldyń 23 tamyzynda ІІM Tergeý departamentiniń qylmystyq ister jónindegi Áskerı-tergeý basqarmasymen Arys qalasyndaǵy arsenaldyń jarylý faktisi boıynsha áskerı bólimniń komandıri men onyń orynbasary – artıllerııalyq qarý-jaraq saqtaý bazasynyń bastyǵy ustaldy», - delingen ІІM habarlamasynda.

Ustalǵan kúdiktiler QR QK 462-baby 3-bóliginde qarastyrylǵan (jarylǵysh zattardy ustaý erejelerin buzý), 453-baby 2bóligi (aýyr zardapqa aparyp soqqan nemquraılylyq ) boıynsha qamaýǵa alynǵan.

«Búgin Túrkistan oblysy Arys aýdandyq sotymen atalǵan adamdardy 2 aıǵa «Qamaýǵa alý» sharasy qabyldandy. Sotqa deıingi tergeý júrgizilip jatyr», - dedi ІІM.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskerı qyzmetshi. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Ú ı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi. Sondaı-aq Elbasy Nursultan Nazarbaev Arystaǵy jaǵdaıǵa alańdaýshylyq bildirdi. Tuńǵysh Prezıdenttiń tóraǵalyǵymen Qaýipsizdik keńesiniń otyrysy ótip, onda Arys qalasyndaǵy ahýal talqylandy.

Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletinin aıtty. K eltirilgen zalaldyń kólemi baǵalanyp, Úkimet rezervinen aqsha bólinedi.

Evakýatsııalaý kezinde myńnan astam ata-ana balarynan kóz jazyp qaldy. Sábılerdiń barlyǵy týys-týǵandaryna din-aman tapsyryldy .

Fakti boıynsha qylmystyq is qozǵady.

Avtor Aıan Bekenuly
Basty sózder: QR ІІM, Arys,
Joǵary qaraı