Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áset Erǵalıev ekonomıkalyq ósimdi yntalandyrý is-sharalaryn atady

2021 jyldyń 11 naýryz 2021 09:57

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Áset Erǵalıev ekonomıkalyq ósimdi yntalandyrý is-sharalaryn atady, dep habarlaıdy QazAqparat tilshisi.

«Qoıylǵan mindetterdi iske asyrý úshin ortalyq jáne jergilikti atqarýshy organdarǵa ekonomıkalyq ósýdi yntalandyrýdyń mynadaı is-sharalaryna nazar aýdarý usynylyp otyr. Birinshiden, ınfraqurylymdy odan ári damytý aıasynda «Nurly jer», «Nurly jol» jáne «Jumyspen qamtýdyń jol kartasy» baǵdarlamalary, «Aýyl – el besigi» jobasy boıynsha belsendi qurylys jumystarynyń maýsymyn jedel iske qosý qajet. Ekinshiden, iskerlik belsendilikti yntalandyrý úshin qarjylandyrý men suranys naryqtaryna qoljetimdilikti qamtamasyz etý, shaǵyn jáne orta bızneske aýyrtpalyqty tómendetý arqyly tikeleı áreket etetin shuǵyl sharalardy tıimdi oryndaý kerek. Atalǵan sharalar osy jylǵy 4 naýryzda Ekonomıkalyq ósýdi qalpyna keltirý jónindegi Memlekettik komıssııanyń otyrysynda qabyldandy», - dedi 2021 jyldyń qańtar-aqpanyndaǵy elimizdiń áleýmettik-ekonomıkalyq damý qorytyndysy jaıynda baıandaǵan mınıstr.

Mınıstr úshinshiden, naqty sektor syrtqy qolaısyz jaǵdaılarǵa turaqty bolyp otyrǵanyn, sondaı-aq ekonomıkanyń sapaly ósýi úshin joǵarǵy áleýetke ıe ekendigin atap ótti. Sol sebepti, ındýstrııalandyrý kartasy jáne agroónerkásip keshenindegi ımportty almastyrý boıynsha jobalardy belsendi iske asyrý qajettigine nazar aýdartty.

«Tórtinshiden, naryqty azyq-túlik taýarlarymen belsendi toltyrýdy qamtamasyz ete otyryp, áleýmettik mańyzy bar azyq-túlik taýarlary baǵalarynyń ósýine jol bermeýdi erekshe baqylaýǵa alý qajet. Besinshiden, ekonomıkany sapaly jáne turaqty damytýdyń bazalyq sharty ınvestıtsııalardy belsendi tartý jáne ınvestorlarmen naqty jumys jasaý bolyp sanalady», - dedi Áset Erǵalıev.


Joǵary qaraı