Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áset Erǵalıev el ekonomıkasy ósimine boljam jasady

2021 jyldyń 20 sáýir 2021 09:57

NUR-SULTAN. QazAqparat – Bıyl Qazaqstan ekonomıkasynyń ósimi 3,1 paıyz bolatyndyǵy boljanady. Bul týraly búgin Úkimet otyrysynda 2021 jylǵa arnalǵan naqtylanǵan áleýmettik-ekonomıkalyq damý boljamdy jarııa etken QR Ulttyq ekonomıka mınıstri Áset Erǵalıev aıtty, dep habarlaıdy qazAqparat tilshisi.

«Makrokórsetkishterdiń boljamy el ekonomıkasynyń ósýi boıynsha jedel derekterdi, álemdik ekonomıka men naryqtaǵy oń úrdisterdi eskere otyryp, naqtylandy. Máselen, jalpy ishki ónimniń ósý qarqyny qańtar aıyndaǵy mınýs 4,5 paıyzdan birinshi toqsannyń qorytyndysy boıynsha mınýs 1,6 paıyzǵa deıin jaqsardy. Jyl basynan beri munaıdyń ortasha baǵasy barreline 61 dollardy qurady. Bul rette munaı baǵasy boıynsha Dúnıejúzilik qarjy uıymynyń boljamdary 44 pen 67 dollar aralyǵynda bolyp otyr. Osyǵan baılanysty, makrokórsetkishterdi naqtylaý kezinde munaıdyń ortasha jyldyq baǵasy barreline 50 dollar deńgeıinde aıqyndaldy»,- dedi ol.

Mınıstrdiń atap ótýinshe, Dúnıejúzilik bank vaktsınalaý júrgizýdiń tıimdiligine baılanysty álemdik ekonomıkanyń ósýin 1,6-dan 5 paıyzǵa deıin boljap otyr.

«Joǵaryda aıtylǵandardy eskere otyryp, el ekonomıkasynyń ósý boljamy 2,8-den 3,1 paıyzǵa deıin jaqsardy. Bul rette nomınaldy jalpy ishki ónim 77,8 trln teńge kóleminde baǵalanýda. Syrtqy suranysty qalpyna keltirý aıasynda metallýrgııadaǵy óndiristiń neǵurlym belsendi ósýi esebinen óńdeýshi ónerkásiptegi boljamdy kórsetkishter 4,1-den 5,2 paıyzǵa deıin jaqsardy. Qurylysta josparlanǵan 17 mln sharshy metr turǵyn úıdiń paıdalanýǵa berýine baılanysty boljam 2,5-ten 5 paıyzǵa deıin jaqsardy», - dedi mınıstr.

Onyń atap ótýinshe, aqparat pen baılanysta IT qyzmetterge suranystyń ósýi nátıjesinde boljam 3,8-den 6,5 paıyzǵa deıin ulǵaıdy.

«Ulttyq banktiń boljamy boıynsha eksport 10,8 mlrd dollarǵa ıaǵnı 52,2 mlrd dollarǵa deıin ulǵaıady. Import 37,1 mlrd dollardy quraıdy. Inflıatsııa buryn bekitilgen 4,0-6,0 paıyz dálizde saqtaldy», - dedi Áset Erǵalıev.


Avtor Marlan Jıembaı
Basty sózder: Ekonomıka, QR Úkimeti,
Joǵary qaraı