Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Áset Irǵalıev QR Ulttyq ekonomıka vıtse-mınıstri bolyp taǵaıyndaldy

2019 jyldyń 19 tamyz 2019 11:30

NUR-SULTAN. QazAqparat - QR Úkimetiniń Qaýlysymen Áset Armanuly Irǵalıev QR Ulttyq ekonomıka vıtse-mınıstri qyzmetine taǵaıyndaldy, dep habarlaıdy Úkimettiń baspasóz qyzmeti.

Áset Irǵalıev 1986 jyly Qostanaı qalasynda dúnıege kelgen. 2008 jyly Qazaqstandyq menedjment, ekonomıka jáne boljamdaý ınstıtýtyn, Shvetsııada halyqaralyq bıznes mektebin, 2009 jyly — Iork ýnıversıtetin jáne 2010 jyly — Nottıngem ýnıversıtetin támamdaǵan. Mamandyǵy — ekonomıst. Memlekettik – qazaq, orys, aǵylshyn jáne nemis tilderin meńgergen.

Eńbek jolyn 2010 jylǵy qyrkúıek aıynda Londondaǵy Eýropa qaıta qurý jáne damý bankiniń (EQQDB) ekonomıka departamentinde Shyǵys Eýropa jáne Kavkaz boıynsha ekonomıkalyq saıasattyń aımaqtyq taldaýshysy retinde bastaǵan. 2011 jylǵy qazan aıynan 2012 jylǵy qarasha aralyǵynda osy departamentte Bas óńirlik taldaýshy bolyp qyzmet atqarǵan. 2011 jylǵy qarasha aıynda banktiń óńirlik ekonomısti bolyp eńbek etken.

2013 jylǵy qańtarda «Ekonomıkalyq zertteýler ınstıtýty» AQ Kásipkerlikti damytý ortalyǵynyń dırektory bolyp taǵaıyndalǵan. Atalǵan qurylymda Á. Irǵalıev 2016 jyldyń basyna deıin Basqarma tóraǵasynyń birinshi orynbasary, Basqarma tóraǵasynyń orynbasary, vıtse-prezıdent laýazymdaryn atqarǵan. 2016 jylǵy aqpan aıynda «Ekonomıkalyq zertteýler ınstıtýty» AQ basqarma tóraǵasy bolyp taǵaıyndalǵan.

2016 jylǵy qazan aıynda «Báıterek» UBH» AQ Basqarma tóraǵasynyń keńesshisi qyzmetin atqardy, 2016 jylǵy jeltoqsanda QR Premer-Mınıstriniń keńesshisi bolyp taǵaıyndalǵan.

2017-2018 jyldary QR Premer-Mınıstri Keńsesiniń Jobalyq basqarý ortalyǵynyń meńgerýshisi laýazymyn atqarǵan.

2018 jylǵy qyrkúıekten 2019 jylǵy naýryz aralyǵynda QR ulttyq ekonomıka vıtse-mınıstri qyzmetin atqarǵan.

2019 jylǵy naýryzdan qazirgi tańǵa deıin QR Premer-Mınıstriniń Keńsesi basshysynyń orynbasary bolyp qyzmet ketken.

Joǵary qaraı