Aýa raıy
Astana -2 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Áset Isekeshev qazaqstandyqtardyń dúnıetanymyn ne ózgertetinin aıtty

2019 jyldyń 17 qyrkúıek 2019 16:47

NUR-SULTAN. QazAqparat – QR Tuńǵysh Prezıdenti-Elbasy qorynyń atqarýshy dırektory Áset Isekeshev qazaqstandyqtardyń mentalıteti men dúnıetanymyn ne ózgertetinin aıtty, dep habarlaıdy Qazaqparat tilshisi.

Bul pikirin ol elordada ótip jatqan «Báskelestik transformatsııasy! Ulttar – Energııa – Indýstrııalar – Qalalar – Talanttar» atty Ǵalamdyq ınnovatsııalyq sammıtte bildirdi.

«Mádenı erekshelikterdi qalaǵan jaǵyńa baǵyttaý ońaı emes. Oılaý júıesin ózgertý úshin qoǵamdy trasnformatsııaǵa ıtermeleıtin ınstıtýttar men saıasattyń bolýy mańyzdy. Qazaqstanda azamattardyń dúnıetanym sheńberin túbegeıli ózgerte alatyn birneshe tájirıbe júzege asty. Mundaı geım-cheındjerlerdiń biri retinde iri qalalar aıasyndaǵy ýrbanızatsııany mysalǵa keltirýge bolady. Іri qalalar qazir talanttardy ózine jınaıtyn magnıt rólin atqarady. Qazaqstanda Nur-Sultan, Almaty jáne Shymkent qalalary osyndaı sıpattaǵy ýrbanızatsııa ortalyqtaryna aınalyp otyr. Bulardyń ishinde 20 jyldyń aınalasynda qanatqaqty qala jobasynan aqyldy qala frontırine aınalǵan elordanyń orny erekshe. Munda júzege asyrylyp jatqan jobalar qala turǵyndarynyń ómir súrý sapasy men jaılylyǵyn jaqsarta otyryp, olardyń mádenı baǵdarlaryn ózgertip, básekege qabilettilik aıasyn keńeıtti», - dedi Áset Isekeshev.

QR Tuńǵysh Prezıdenti-Elbasy qorynyń atqarýshy dırektory Nazarbaev Ýnıversıtetin de osyndaı geım-cheındjer retinde atady.

«Atalmysh ýnıversıtet stýdentteri ashyq oılaýǵa mashyqtanyp, sanalarynda bilimge «toıymsyzdyq» qalyptastyryp jatyr. Astana halyqaralyq qarjy ortalyǵy eldegi úzdik geım-cheındjerlerdiń úshtigine enip otyr. Az ýaqytta ol Ortalyq Azııadaǵy qarjy júıesiniń ózegine aınaldy. Osy tájirıbeniń barlyǵy halyqtyń minez-qulqyn ózgertýdi yntalandyrady», - dep túıindedi Áset Isekeshev.


Joǵary qaraı