Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ashat Aımaǵambetov: Qazaqstan dıplomy Eýropada jaramdy bolýy úshin ESG standartyn engizdik

2021 jyldyń 16 qarasha 2021 11:41

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Úkimet otyrysynda joǵary oqý oryndaryna ESG standarty ne úshin engizilip jatqanyn túsindirdi, dep habarlaıdy QazAqparat tilshisi.

«Akkredıtteý agenttikteriniń jumysy da joǵary bilim sapasyn kóterý úshin erekshe mańyzdy. Osyǵan oraı biz akkredıtteý agenttikteriniń jaýapkershiligin kóterý úshin ózgerister engizdik. Budan bylaı joǵary sapasyn qamtamasyz etpeıtin agenttiterdi tizimnen shyǵarý, ıaǵnı jabý jáne olar úshin birińǵaı sapaly talaptardy qoıý sııaqty tetikterdi qabyldap, engizdik. Nátıjesinde 6 ýnıversıtetiń ınstıtýtsıonaldyq akkredıtteýi qaıtarylyp, 20 bilim baǵdarlamasy akkredıtteýden ótpedi. Bul da sapany kóterýge eleýli áser etetini sózsiz», - dedi mınıstr.

Vedomstvo basshysy joǵary oqý oryndarynda ishki sapany qamtamasyz etý tásilderine de toqtaldy.

«Qazaqstanda eýropalyq sapany qamtamasyz etý jónindegi ESG standarty engizilýde. Byltyr elimizdiń joǵary biliminiń ulttyq biliktilik sheńberi Eýropa biliktilik sheńberimen ózin-ózi sertıfıkattaý rásiminen ótti. Osy jumystyń nátıjesinde Qazaqstannyń joǵary oqý oryndary dıplomdarynyń Eýropada tanylýyn qamtamasyz etý múmkin boldy», - dedi Ashat Aımaǵambetov.


Joǵary qaraı