Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov mektep qaýipsizdigi týraly: Qazan qalasyndaǵy oqıǵa saldary zerdelendi

2021 jyldyń 29 maýsym 2021 10:05

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Úkimet otyrysynda bilim berý obektileriniń qaýipsizdigin qamtamasyz etý jumystaryn baıandady, dep habarlaıdy QazAqparat tilshisi.

«Halyqaralyq tájirbıe, sonyń ishinde Qazan qalasynda bolǵan oqıǵanyń saldary da zerdelendi. Bul taldaý Qazan mektebinde oqýshylar men muǵalimderdiń osyndaı qaýipti jaǵdaıda qajetti is-áreketterdi bilýiniń arqasynda, dabyl túımelerimen, arnaıy kúzetpen qamtamasyz etilýiniń arqasynda zalal mınımaldy deńgeıde bolǵanyn kórsetedi. Halyqaralyq tájirıbe de beınekameralarmen, dabyl túımelermen qamtamasyz etý, tótenshe jaǵdaılarǵa qarsy áreket etýdiń naqty algorıtmin engizý, arnaıy kúzet jáne pedagogter men oqýshylardy daıarlaý qajettiligin kórsetti», - dedi mınıstr.

Osyǵan oraı, ótken oqıǵalardyń taldaýy men halyqaralyq standarttarǵa súıene otyryp arnaıy normatıvtik-quqyqtyq aktiler qabyldanǵan.

Sonyń ishinde, terrorızmge qarsy turý úshin qoıylatyn talaptar, bilim berý uıymdaryn beınebaqylaý júıelerimen qamtý standarttary jáne bilim berý uıymdarynda tyıym salynǵan zattardyń tizbesi sııaqty talaptar bekitildi.

«Endi osy talaptardy oryndap, qaýipsiz orta qalyptastyrý úshin kelesideı mindetterdi oryndaýymyz qajet: Birinshiden, barlyq beınebaqylaý kameralaryn bekitilgen talaptar men standarttarǵa sáıkestendirýimiz qajet. Qalalarda ornalasqan mektepterdiń beınekameralaryn jedel basqarý ortalyqtaryna qosýymyz qajet.

Ekinshiden, barlyq bilim berý uıymdaryn dabyl túımelerimen qamtý, úshinshiden – qala mektepterin arnaıy kúzetpen qamtamasyz etý, tórtinshiden – pedagogterge jáne oqýshylyrǵa tótenshe jaǵdaılar men terrorıstik qaýip tóngende qabyldanatyn sharalar men algorıtmderin engizý jáne psıhologııalyq qyzmetterdiń róli men jalpy tárbıe jumysyn kúsheıtýimiz qajet», - dedi A. Aımaǵambetov.

Eske sala keteıik, 11 mamyrda Qazan qalasyndaǵy Faızı kóshesindegi mektepte belgisiz eki adam oq jaýdyrǵan bolatyn.

Atys kezinde 8 adam qaza taýyp, taǵy 21 adam zardap shekti.


Joǵary qaraı