Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov muǵalimderdiń ortasha jalaqysyn atady

2021 jyldyń 3 jeltoqsan 2021 13:21

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov muǵalimderdiń ortasha jalaqysyn atady, dep habarlaıdy QazAqparat tilshisi.

«Otandyq bilim berýdi damytýdyń mańyzdy kezeńderiniń biri pedagogtardyń mártebesi týraly zańnyń qabyldanýy boldy. Ózderińizde bilesizder, Memleket basshysy zań qabyldaý jáne pedagogtardyń jalaqysyn keminde 2 ese ulǵaıtý týraly mindet júktedi. Bul jumys júrgizilip jatyr, ózekti mindet», - dedi mınıstr QR Prezıdenti janyndaǵy Adam quqyqtary jónindegi komıssııa otyrysynda.

Onyń atap ótýinshe, 2019 jylǵa deıin pedagogıka mamandyǵyna túsýdiń ortasha baly óte tómen, 55-60 baldy ǵana qurap keldi. Al zań qabyldanǵannan keıin 2019 jyldan bastap naqty is-sharalar qabyldanyp, atalǵan mamandyqtarǵa túsý shekti baly 75-ke jetti.

«Bıylǵy UBT qorytyndysynda pedagogıka mamandyǵyna túsýshilerdiń ortasha baly 96 baldy qurady. Quziretti, básekege qabiletti myqty túlekter osy mamandyqty tańdap jatqanyn bildiredi. Soǵan oraı erteń mektepterimizdi myqty pedagogter keledi. Qazirdiń ózinde zań jumys istep tur deýge bolady», - dedi ol.

Mınıstr pedagogtardyń jalaqysy da aıtarlyqtaı óskenin atap ótti.

«Pedagogtardyń eńbek jaǵdaılary jaqsardy. Jalaqy kóterildi. Eger eger zań jobasy qabyldanǵanǵa deıin ortasha jalaqy shamamen 109 myń teńge bolsa, búginde 200 myń teńgeden asyp tústi. Bul elimizdegi pedagogtardyń ortasha jalaqysy», - dedi Ashat Aımaǵambetov.


Joǵary qaraı