Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ashat Aımaǵambetov muǵalimnen basy artyq esep suratqan mektep dırektoryn jaýapqa tartýdy tapsyrdy

2021 jyldyń 17 qarasha 2021 18:19

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov vedomstvonyń apparat májilisinde pedagogterdi artyq eseptilikten bosatýdy tapsyrdy, dep habarlaıdy QazAqparat tilshisi.

«Muǵalimder úshin eki qujat qana mindetti. Ol jaıynda №130 buıryq bar. Muǵalimder kúndelikti toltyratyn eki qujat qana bar. Eger áleýmettik pedagog a, óziniń qujattary bar. Synyp jetekshisi bolsa, tárıbe jumystary boıynsha qujattary bar. Dırektordyń óz júrgizetin qujattar bar. Onyń bári jańaǵy aıtqan buıryqta shegelenip turyp bekitilgen. Tek osy talap sheńberinde jumys isteý kerek. Ásirese synyp jetekshileri boıynsha oıǵa qonymsyz qujattardy kirigizip qoıǵan. Bir mektepte synyp jetekishsiniń moınyna 19 qujatty júktep qoıǵan. Osy fakt boıynsha anyqtaý júrgizip, tıisti jaýapkershilikke tartýdy tapsyramyn», - degen mınıstr basy artyq qujattyń paıdasynan zııany kóp ekenin eskertti.

«Kerek emes. Muny kim oqıdy? Kóp máseleler elektrondy formatta bar. Ulttyq bilim berý derekter qorynda bar. Bárin shyǵaryp, jınap qoıǵannan ne paıda? Qajet emes, tipti túsiniksiz aqparatty suraısyzdar. Óńirlerdegi bilim basqarmalary quzyryndaǵy sharýany ıegere almaı otyr ma sonda? Kelesi joly mundaı negizsiz qujat talap etý qaıtalansa, mektep dırektoryn emes, bilim berý bólimi men basqarmalarynyń basshylaryn jaýapqa tartý kerek», - dedi Ashat Aımaǵambetov.


Joǵary qaraı