Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Ashat Aımaǵambetov oqý baǵasyn ósirmeýdi ótindi

2020 jyldyń 28 shilde 2020 12:24

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov pandemııa kezeńinde qarajattan qınalǵan stýdentterge qoldaý kórsetýdi usyndy, dep habarlaıdy QazAqparat.

«Pandemııa saldarynan stýdentter oqýyna ýaqytyly tóleý múmkindikteri azaıǵanyn kórip otyrmyz. Jalpy ekonomıkalyq ahýaldy ózderińiz kórip otyrsyzdar. Sondyqtan JOO tarapynan da qoldaý jumystaryn júrgizý qajet dep sanaımyn jáne eki máselege toqtalǵym keledi», - dep atap ótti mınıstr onlaın apparat jınalysynda.

Eń aldymen mınıstr qaryzdary bar stýdentterge bólip tóleý múmkindikterin berýdi usyndy.

«Biz júrgizgen taldaý nátıjesinde osyndaı máseleler anyqtaldy. Sondyqtan bólip tóleýge múmkindik qarastyrýlaryńyzdy suraımyn.

Ekinshiden, biz alǵan aqparatqa sáıkes, biraz JOO qazir oqýdyń baǵasyn kóterýdi josparlap otyr eken. Sondyqtan bul másele boıynsha da sizderge ótinish bar – osy ahýaldy bile otyryp, joǵary oqý oryndarynda baǵany ósirmeý. Bul - óte mańyzdy. Sondyqtan bul máseleni sizder qarastyryp, tıisti sheshim qabyldaıdy dep senemin», - dedi Ashat Aımaǵambetov.

Sonymen birge, mınıstr JOO-lardy qoldaý boıynsha baǵdarlama daıyndalyp jatqanyn, onyń jaqyn kúnderi jarııalanatynyn jetkizdi.


Joǵary qaraı