Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov: Oqytýshy jalaqasynyń ósýi mınıstrliktiń jumys nátıjesi emes

2020 jyldyń 20 qazan 2020 11:32

NUR-SULTAN. QazAqparat - Joǵary oqý oryndary oqytýshylary jalaqysynyń kóterilýi Memleket basshysynyń arqasy. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Joǵary oqý oryndary oqytýshylarynyń jalaqysyn kóterý máselesin munyń aldynda qarastyrǵan bolatynbyz. Jalaqynyń ósýi óte mańyzdy. Jalaqynyń ósýi rektorlar nemese mınıstrlerdiń álde mınıstrliktiń jumys nátıjesi emes. Biz sony durystap túsindirýimiz kerek. Bul Memleket basshysynyń bergen tapsyrmasynyń arasynda múmkin bolyp otyr. Biz kóbinese osy máseleni durystap jetkizbeımiz», - dedi Ashat Aımaǵambetov mınıstrliktiń apparat jınalysy barysynda.

Onyń atap ótýinshe, eger Memleket basshysy tapsyrma berip, bıýdjetten tıisti qarajat bólinbese, onda jalaqynyń ósýine de múmkin bolmaıtyn edi.

«Sondyqtan durys aqparat berý óte mańyzdy. Kóbinese osy aqparat bizdiń áriptesterimizge jetpeıdi. Taǵy da qaıtalap aıtamyn, jalaqynyń ósýi bul - Prezıdenttiń tapsyrmasy. Ol rektordyń álde mınıstrliktiń arqasynda bolǵan sharýa emes. Osyny durys qabyldap, durys jetkizý kerek», - dedi ol.


Joǵary qaraı