Aýa raıy
Astana 0 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Ashat Aımaǵambetov Prezıdenttik jastar kadrlyq rezerviniń múshelerimen kezdesti

2020 jyldyń 19 qyrkúıek 2020 13:17

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Prezıdenttik jastar kadrlyq rezervi músheleriniń bilim salasynda qandaı ózgerister engizip jatqandyǵy týraly aıtyp berdi, dep habarlaıdy QazAqparat tilshisi.

«Prezıdenttik jastar kadrlyq rezervinde kóptegen talantty jastar baryn kórip júrmiz. Búginde bilim salasynda prezıdenttik jastar rezervine múshe 7 maman jumys istep jatyr jáne olardyń jumystary óz nátıjesin berýde. Talantty jastardyń bilim salasyn jetildirýge óz úlesterin qosyp jatqanyna qýanyshtymyz. Bizge kelgen kadrlyq rezerv músheleri bilim salasyna oń ózgerister engizýde, ıaǵnı qazirgi ýaqytta bilim salasyna qatysty birneshe normatıvtik aktilerge ózgerister men tolyqtyrýlar engizildi»,- dedi A. Aımaǵambetov.

Sondaı-aq, mınıstr bilim salasyndaǵy jańa ózgeristerge toqtalyp ótti.

«Memleket basshysynyń tapsyrmasyna sáıkes, tárbıe-bilim salasyna qatysty birinshi másele elimizdi tolyqtaı balabaqshamen qamtamasyz etý. Onyń ishinde balabaqshany kópten ashý ǵana emes, sapaǵa mán berý. Sol sııaqty balanyń qandaı balabaqshaǵa baratynyn ata-ananyń erkine berý. Bul baǵyttaǵy jumys júıeli túrde qolǵa alynýda. Ekinshi kezekte orta bilim. Ásirese qazirgi ýaqytta mańyzdy bolyp turǵan qashyqtan oqý máselesi. Osy oraıda Prezıdent qashyqtan oqýdy birkelkilendirýdi tapsyrdy. Búginde bul suraq bizde kún tártibinde tur jáne jaqyn ýaqytta ol óz sheshimin tabady dep oılaımyn. Kelesi másele joǵarǵy bilim berý. Sońǵy kúnderi baıqap jatqandaryńyzdaı biz elimiz boıynsha birneshe joǵarǵy oqý ornyn lıtsenzııasynan aıyrdyq. Onyń sebebi bilimniń durys berilmeýi jáne sapanyń bolmaýy. Joǵarǵy oqý oryndaryna da qatysty túıitkildi máseleler baryn jasyrmaımyz. Bizdiń maqsat – osy máselelerdi júıeli túrde sheshý», - dedi ol.

Aıta keteıik, búgin elordada QR Bilim jáne ǵylym mınıstri A. Aımaǵambetov Prezıdenttik jastar kadrlyq rezerviniń múshelerimen kezdesti.


Joǵary qaraı