Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ashat Aımaǵanbetov: Pandemııa bilim berýdegi muǵalimniń baǵa jetpes rólin aıqyndaı tústi

2021 jyldyń 1 qyrkúıek 2021 09:17

NUR-SULTAN. QazAqparat – Bilim jáne ǵylym mınıstri Ashat Aımaǵanbetov qazaqstandyqtardy jańa oqý jylynyń bastalýymen quttyqtady, dep habarlaıdy QazAqparat.

«Sizderdi 1 qyrkúıek — jańa oqý jylynyń bastalýymen quttyqtaımyn! Bilim berý uıymdarynda oqý jyly qatań sanıtarlyq talaptardy saqtaı otyryp, dástúrli formatta bastalady.

Balalar óz mektepterin, dostary men synyptastaryn, al muǵalimderimiz oqýshylaryn saǵyndy. Barlyǵy mektepterdiń ashylýyn asyǵa kútti.

Álemdik pandemııa bilim berý úrdisindegi muǵalimniń baǵa jetpes rólin aıqyndaı tústi. Atap aıtsaq, muǵalimniń kásibıligi, tájirıbesi, balaǵa degen súıispenshiligi men oqýshynyń ómirindegi atqaratyn róli aıqyndaldy. Álbette, muǵalimder gadjet ekrandary arqyly emes, balalarmen tikeleı baılanysta bola otyryp beretin bilimdi zamanaýı tehnologııalarmen salystyrý qıyn», - dep jazdy mınıstr jelidegi paraqshasynda.

Mınıstr 1 qyrkúıek — birinshi synyp oqýshylary úshin erekshe mereke ekendigin atap ótti.

«Bıyl 394 myńǵa jýyq bala mektep tabaldyryǵyn alǵash ret attaıdy. Osy saltanatty kúni «Álippe» men «Býkvar» oqýlyqtaryn qoldaryna alatyn birinshi synyp oqýshylaryn quttyqtaǵym keledi. Búldirshinderimizge myqty densaýlyq tilep, ashyq jáne bilimqumar bolýǵa shaqyramyn.

Jańa oqý jyly árbir oqýshy, stýdent, muǵalim jáne oqytýshy, jalpy bilim berý salasyna qatysy bar árbir adam úshin qyzyqty ári paıdaly bolýyn tileımin.

Qurmetti áriptester! Kópten kútken dástúrli formatqa oralyp, mektep qabyrǵasynda balalardyń jarqyn kúlkilerin estý sizderdi qýanyshqa bóleıtinin bilemin. Joǵary oqý oryndaryndaǵy aýdıtorııalar da qyzyqty áńgimeler men zııatkerlik pikirtalastarǵa toly bolary sózsiz», - dep tolyqtyrdy A. Aımaǵanbetov.


Joǵary qaraı