Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ashyq: Elorda áýejaıynda «sary» mártebeli - 4, «qyzyl» mártebesi bar 2 jolaýshy anyqtaldy

2021 jyldyń 13 mamyr 2021 10:41

NUR-SULTAN. QazAqparat - Nursultan Nazarbaev halyqaralyq áýejaıy Ashyq mobıldi qosymshasy arqyly nátıjeli jumys istep tur, dep habarlaıdy QazAqparat áýejaıdyń baspasóz qyzmetine silteme jasap.

Ashyq jobasyn iske asyrýdyń alǵashqy kúninde Nursultan Nazarbaev halyqaralyq áýejaıynyń qyzmetkerleri «sary» mártebesi bar 4 jolaýshyny, «qyzyl» mártebesi bar 2 jolaýshyny anyqtady.

Algorıtmge sáıkes, «qyzyl» mártebesi bar jolaýshylar jedel járdem kelgenge deıin oqshaýlanyp, sodan keıin aýrýhanaǵa jatqyzyldy.

12 mamyrdan bastap Nursultan Nazarbaev halyqaralyq áýejaıynda Ashyq jobasy tolyqqandy iske qosyldy.

«Biz búkil jolaýshyǵa (kim ushyp shyǵady) áýejaıǵa kelmes buryn qosymshany júktep alyp, óz mártebesin tekserý kerek ekenin eskertkimiz keledi. Termınal ǵımaratyna «sary» jáne «qyzyl» mártebesi bar jolaýshylar jiberilmeıdi. Reıske jiberilmegen jaǵdaıda qarajatty qaıtarý jónindegi máseleni áýe kompanııasyna joldaǵan jón» delingen habarlamada.

Ashyq qosymshasyndaǵy aqparat Densaýlyq saqtaý mınıstrliginiń jalpy bazasymen ıntegratsııa arqyly keledi jáne jolaýshynyń qazirgi ýaqytta vırýstyń tasymaldaýshysy bolyp tabylmaıtyndyǵyn anyqtaıdy.

Kidiris jasamas úshin qosymshany aldyn ala ornatyp, mártebeńizdi aldyn ala bilýińiz kerek.

Áýejaı qyzmetkerleriniń aılaq ǵımaratyna kireberiste plansheti bar. Smartfony joq jolaýshylar óz JSN-in qyzmetkerlerdiń planshetine engizip, óz mártebesin bile alady.

JSN joq sheteldik jolaýshylarǵa keletin bolsaq, olar óz mártebesin áýejaı qyzmetkerleriniń planshetindegi tólqujat nómiri arqyly teksere alady.



Joǵary qaraı