Aýa raıy
Astana 3 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın: Ákimder ınvestorlarǵa jaǵdaı jasap, halyqty jumyspen qamtýy kerek

2020 jyldyń 15 qyrkúıek 2020 10:10

NUR-SULTAN. QazAqparat – Ákimder ınvestorlarǵa qajetti jaǵdaı jasap, halyqty jumys oryndarymen qamtýy kerek. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Monoqalalarda ındýstrııaldyq jobalardy damytý kerek. Bul jaǵynan Qaraǵandy oblysynyń Saran qalasy jaqsy úlgi bola alady. Onda avtobýstar men arnaıy tehnıka shyǵaratyn iri jobany iske asyrý bastaldy. Jalpy, 1000 turaqty jumys orny qurylady. Avtobýstar men arnaıy tehnıka shyǵarý kólemi jylyna 1500 birlik kóleminde josparlanǵan. Buǵan qosa jylyna 3,5 mln-ǵa deıin avtoshına óndiretin joba qarastyrylyp jatyr, onyń 30 paıyzy eksportqa shyǵarý josparlanǵan. Bul taǵy da 1 myń jumys orny degen sóz», - dedi Asqar Mamın.

Onyń dereginshe, jalpy Saran qalasyna salynatyn ınvestıtsııalar kólemi 150 mlrd teńgeni quraıdy jyl saıyn 160 mlrd teńgege ónim shyǵarylady.

«Oǵan qosa áleýmettik-ınjenerlik ınfraqurylymdy qalpyna keltirý jáne jańadan salý bastaldy. Sonyń ishinde, úıler men áleýmettik nysandar. Osyndaı deńgeıdegi óndiristi barlyq monoqalalarda damytý qajet. Sondyqtan ákimder ınvestorlarmen belsendi jumys júrgizip, olarǵa qajetti jaǵdaı jasaýy tıis, halyqty jumys oryndarymen qamtý kerek», - dedi Premer-Mınıstr.


Joǵary qaraı