Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Aqkólde «aqyldy qalalar» jobasyn iske asyrý barysyn tekserdi

2020 jyldyń 8 tamyz 2020 16:35

NUR-SULTAN. QazAqparat - QR Premer-Mınıstri Asqar Mamın Aqmola oblysynyń Aqkól qalasyna jumys sapary kezinde «Tsıfrlyq Qazaqstan» memlekettik baǵdarlamasy aıasynda «aqyldy qalalar» jobalaryn iske asyrý barysyn, sondaı-aq ulttyq ǵaryshtyq baılanys júıesiniń damýyn tekserdi, dep habarlaıdy QazAqparat primeminister.kz-ke silteme jasap.

Sondaı-aq Úkimet basshysy «aqyldy qalalardyń» zamanaýı tehnologııalaryn engizý boıynsha «SmartAqkol» jobasynyń ózegi bolyp otyrǵan «Qazaqtelekom» AQ-nyń Ahýaldyq ortalyǵynyń jáne Derekterdi óńdeý ortalyǵynyń jumysymen tanysty.

Joba «Tsıfrlyq Qazaqstan» memlekettik baǵdarlamasy aıasynda joldaǵy jáne qoǵamdyq qaýipsizdikti, onyń ishinde bilim berý mekemeleri men nysandaryndaǵy beınebaqylaý, densaýlyq saqtaý salasyndaǵy monıtorıng pen basqarý, sondaı-aq ǵımarattar men turǵyn úılerdi jańa býynnyń «aqyldy» jabdyqtarymen jabdyqtaý arqyly qalanyń qalypty tynys-tirshiligin keshendi qamtamasyz etý maqsatynda júzege asyryldy.

«Aqkól» ǵaryshtyq baılanys ortalyǵyn aralaý kezinde Premer-Mınıstrge «Kazsat» ulttyq ǵaryshtyq baılanys júıesiniń damýy týraly baıandaldy, bul baılanys júıesi «KazSat-2», «KazSat-3» qos jerseriginen jáne Aqmola oblysyndaǵy «Aqkól» jáne Almaty oblysyndaǵy «Kókterek» qos jerústi basqarý kesheninen turady. «Aqkól» ǵaryshtyq baılanys ortalyǵynyń quramyna ǵarysh apparattarynyń ushýyn basqarý ortalyǵy, monıtorıngti basqarý ortalyǵy, apparattyq-baǵdarlamalyq jáne metrologııalyq qamtamasyz etý ortalyǵy, ınfraqurylymdy paıdalaný qyzmeti kiredi. Qazirgi kezde «KazSat» baılanys jerserikteriniń qyzmetin 15 negizgi qazaqstandyq baılanys jáne taratý operatory paıdalanady. «KazSat» ǵaryshtyq baılanys júıesiniń júktemesi 73%-ǵa jýyq. Saparǵa Premer-Mınıstrdiń orynbasary R. Sklıar, tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy B. Mýsın, Aqmola oblysynyń ákimi E. Marjyqpaev, «Qazaqtelekom» AQ basqarma tóraǵasy Q. Esekeev jáne t.b. qatysty.


Basty sózder: QR Premer-Mınıstri, Aqmola oblysy,
Joǵary qaraı