Aýa raıy
Astana 31 °S
Almaty 32 °S
valıýta baǵamy
USD 386.70
EUR 427.15
RUB 6.06
CNY 54.57

Asqar Mamın Aqtóbedegi tigin tsehynan kúrtke satyp aldy

2019 jyldyń 23 tamyz 2019 15:29

AQTÓBE. QazAqparat – Úkimet basshysy Aqtóbege sapary kezinde arnaıy kıim tigetin tseh jumysymen tanysyp, ózine kúrtke satyp aldy, dep habarlaıdy QazAqparat tilshisi.

Jumysshylar kıimin tigýge daǵdylanǵan tsehqa búgin Premer - Mınıstr Asqar Mamın kirip, otandyq ónimniń sapasymen, baǵasymen tanysty.

Úkimet basshysy aralap kórgen «Global Spetsodejda» JShS-niń tigin tsehynda 200-den astam adam jumys isteıdi. Onyń 30 paıyzy kópbalaly, az qamtylǵan otbasy músheleri men múmkindigi shekteýli jandar. 2004 jyldan beri jumys isteıtin óndiris orny jylyna 250 myń kıim-keshek tigedi.

«Bar bolǵany 18 myń teńge turady. Jumysqa, is-saparǵa kıemin. Sapasy jaqsy, ózgelerge de satyp alýǵa keńes beremin», - dedi Úkimet basshysy.

Tseh matany Koreıa, Reseı, Túrkııadan tapsyryspen aldyrady. Munaıshylar men qurylysshylar kóp tapsyrys beretin tseh kez kelgen satyp alýshynyń ótinishin oryndaı alady.

«Asqar Mamın 54 ólshemdi kúrtke satyp aldy. Ol óz kartasymen tólem jasady. Qunyn tómendetip jazý týraly oıymyzda bolmaǵan, bárine ortaq baǵamyz osy. Arnaıy kıimder qoljetimdi baǵada satylady», - kompanııa ókili Ksenııa Manatova.

Aıta keteıik, is-sapar kezinde Premer – Mınıstr Asqar Mamın Aqtóbe ferroqorytpa zaýytynyń jumysymen, kirpish zaýytynyń qurylysymen tanysty. Bar ónimdi eksporttap otyrǵan Aqtóbe ferroqorytpa zaýyty elimizde biregeı jobany iske qosqan. Munda múmkindigi shekteýli adamdardy jumysqa ornalastyrýdyń erekshe tásili qoldanylady. ıAǵnı, 12 jumysshy alyp, olardyń úıin komıýtermen jabdyqtap, zaýyt ishindegi beınebaqylaý kameralaryna tikeleı qosylýǵa múmkindik bergen. Táýlik boıy baqylaý júrgizip, tehnıkalyq qaýipsizdik erejesi buzylsa habar berip otyrady.

«Halyqtyń baqylaý» jobasy aıasynda múmkindigi shekteýli jandardyń úıine jumys bólmesin jasaqtap berdik. Dıspetcherge birden habarlap, ereje buzylǵanyn aıtyp otyrady. Eki aıda barlyǵy 600 buzýshylyq anyqtalǵan eken. Bizdiń jobany elimizdegi ózge óndiris oryndary kádesine jaratpaq», - dedi «QazHrom» TUK» AQ-nyń prezıdenti Arman Esenjolov.

Joǵary qaraı