Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın azyq-túlik ımportynan arylý qadamdaryn aıtty

2020 jyldyń 19 qarasha 2020 12:50

NUR-SULTAN. QazAqparat – Búgin Senattyń jalpy otyrysynda QR Úkimet basshysy Asqar Mamın azyq-túlik baǵasynyń negizsiz ósýine jol bermeý qadamdary týraly aıtty, dep habarlaıdy QazAqparat tilshisi.

«Resmı málimetter boıynsha jyl basynan azyq-túlik toptamasy boıynsha baǵa 7 paıyzdan astam ósti. Baǵanyń negizgi ósimi tótenshe jaǵdaı kezeńinde tirkeldi. Ózderińiz bilesizder, atalǵan kezeńde shekaralar jabylyp, taýar naryqtary shekteldi. Ásirese, osynyń barlyǵy azyq-túlik toptamasyna, áleýmettik mańyzdaǵy taýarlarǵa áser etti. Bul óz kezeginde áleýmettik mańyzdy taýarlarǵa baǵanyń ósimine baılanysty teris áser berdi», - dedi Úkimet basshysy depýtattar suraǵyna jaýap bere otyryp.

Onyń aıtýynsha, aldaǵy ýaqytta osyndaı teris trendterge jol bermes úshin Úkimet birqatar sharalardy qabyldady.

«Infraqurylymdy qoldaýdyń mańyzy bar. Bizdińshe, atqarylyp jatqan sharalar kesheni tıisti oń nátıje beredi. Jalpy, azyq-túlik toptamasyndaǵy 29 áleýmettik mańyzdaǵy taýarlar boıynsha pozıtsııany qarap otyrmyz. 12-si boıynsha qamtamasyz etý deńgeıi 100 paıyz, ıaǵnı bul azyq-túlik qaýipsizdigine qatysty. 11 taýarlyq top boıynsha qamtamasyz etý kórsetkishi 80 paıyz. Qazir 6 pozıtsııa boıynsha jumys istep jatyrmyz, bul baǵytta qamtamasyz etý kórsetkishi 60 shamasynda», - dep túsindirdi A. Mamın.

Osy oraıda ol ımportty almastyraý máselesin sheshý úshin tıisti qujat daıyndalǵanyn, aldaǵy úsh jylda atalǵan 6 taýarlyq top boıynsha ımportqa táýeldilikti tolyqtaı joıý eskerilgenin jetkizdi.

«Ol úshin birqatar ınvestıtsııalyq jobany júzege asyrý kerek. Baǵalaý boıynsha 750 mlrd teńge somasyndaǵy 200-den astam jobany qamtý qajet. Sondyqtan aldaǵy úsh jylda tolyqtaı ımportqa táýeldilikti joıý maqsatyn belgiledik», - dedi Premer-Mınıstr.


Joǵary qaraı