Aýa raıy
Astana 26 °S
Almaty 27 °S
valıýta baǵamy
USD 405.69
EUR 455.51
RUB 5.72
CNY 57.42

Asqar Mamın birqatar óńirdiń ákimine ónerkásip kórsetkishterin jaqsartýdy tapsyrdy

2019 jyldyń 12 qarasha 2019 12:08

NUR-SULTAN. QazAqparat - Búgin Úkimet otyrysynda QR Premer-Mınıstri Asqar Mamın birqatar óńirdiń ákimine ónerkásip kórsetkishterin jaqsartýdy tapsyrdy, dep habarlaıdy QazAqparat tilshisi.

«El ekonomıkasy turaqty damýda. Elbasy Nursultan Nazarbaev »Nur Otan« partııasynyń keńeıtilgen fraktsııasy otyrysynda ekonomıka ósimin qamtamasyz etý jáne Memleket basshysy Qasym-Jomart Toqaev Ekonomıka máseleleri jónindegi keńeste elimizdiń makroekonomıkalyq jáne áleýmettik turaqtylyǵyn saqtaý jóninde tapsyrma bergen. Osy rette óńirler men mınıstrlikterdiń basshylary Elbasy men Prezıdenttiń belgilegen mindetterin oryndaý jumystaryn jandandyrýy qajet. Jalpy el ekonomıkasy turaqty ósýde. Byltyrǵy esepti kezeńmen salystyrǵanda JІÓ ósim qarqyny 4,4 paıyzdy qurady», - dedi Úkimet basshysy.

Osy oraıda ol ekonomıka ósiminiń damý draıveri bolyp otyrǵan salalardy atady. Atap aıtqanda, qurylysta 12,7, saýdada 7,5, kólik salasynda 5,6, óńdeýshi sektorda, onyń ishinde mashına jasaýda 18,2, jeńil ónerkásipte 10,9, tústi metalldarda 7,5, munaı ónimderinde 7,2, metall kenin óndirýde 16,1 paıyz ósim baıqalyp otyr.

«Salalyq mınıstrlikter men óńirlerdiń basshylaryna negizgi ónerkásip kórsetkishterin jaqsartý jumysyn kúsheıtýdi tapsyramyz. 10 aıdyń qorytyndysy boıynsha ekonomıka ósiminiń negizgi bazalyq kórsetkishterin jaqsartýda Aqtóbe, ShQO, Pavlodar jáne SQO ákimdikteriniń jaqsy jumys atqarǵanyn atap ótemin. Sonymen qatar birqatar ákimdik boıynsha kórsetkishterdiń tómendeýi baıqaldy. Bul - Mańǵystaý, Qyzylorda, BQO jáne Shymkent pen Nur-Sultan qalalary. Osyǵan oraı kórsetkishteri tómen ákimdikter jaǵdaıdy jaqsartý úshin túbegeıli sharalar qabyldaýy qajet»,- dedi Asqar Mamın.

Joǵary qaraı