Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın tsıfrlandyrý jónindegi komıssııanyń otyrysyn ótkizdi

2021 jyldyń 20 qazan 2021 16:48

NUR-SULTAN. QazAqparat - QR Premer-Mınıstri Asqar Mamın QR Prezıdenti janyndaǵy Tsıfrlandyrýdy engizý máseleleri jónindegi komıssııanyń otyrysyn ótkizdi, dep habarlaıdy primeminister.kz.

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın men ındýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev Biryńǵaı memlekettik jyljymaıtyn múlik kadastrynyń (BMJMK) aqparattyq júıesin qurý jónindegi jumys barysy týraly baıandady.

BMJMK memlekettik jer kadastrynyń avtomattandyrylǵan aqparattyq júıesiniń (MJK AAJ) jáne «Jyljymaıtyn múlik tirkelimi» memlekettik derekter qorynyń (JMT MDQ) 226 bytyrańqy derekqoryn shoǵyrlandyrdy.

Jer qory jáne jyljymaıtyn múlik obektileri týraly aqparatqa qoljetimdilik onlaın-rejımde jumys isteıtin jáne qazirgi ýaqytta 93,6%-ǵa toltyrylǵan Jarııa kadastrlyq karta arqyly beriledi.

Bıyl mamyr aıynda jer qatynastary salasynda memlekettik qyzmetterdi testilik rejımde kórsetý boıynsha pılottyq joba iske qosyldy.

BMJMK-ny ónerkásiptik paıdalanýǵa engizýdi 2021 jyldyń sońyna deıin júzege asyrý josparlanǵan.

Budan ári BMJMK, memlekettik qala qurylysy kadastrynyń aqparattyq júıelerin, «Mekenjaı tirkelimin» jáne óńirlik geoaqparattyq júıelerdi biriktiretin biryńǵaı platforma qalyptastyrylatyn bolady.

Ekologııa, geologııa jáne tabıǵı resýrstar mınıstri Serikqalı Brekeshev QR mıneraldyq resýrstarynyń ulttyq derekter bankin qurý jónindegi jumys barysy týraly baıandady.

Bul aqparattyq júıe ınvestorlarǵa onlaın-rejımde Qazaqstannyń ken oryndary boıynsha geologııalyq derekterdiń qoljetimdiligin qamtamasyz etedi.

Jer qoınaýyn paıdalaný lıtsenzııalaryn berý «birinshi keldi – birinshi aldy» qaǵıdaty boıynsha tolyq avtomattandyrylady.

Memlekettik organdar úshin jer qoınaýyn paıdalanýshylardyń monıtorıngi men taldaý quraldary qoljetimdi bolady.

Qazirgi ýaqytta tsıfrlandyrýdy engizý qor aqparatymen tanysý, ótinim berý, kelisimge qol qoıý, geologııalyq aqparattyń kóshirmelerin berý sııaqty protsesterdi boldyrmaýǵa múmkindik berdi, bul jer qoınaýy týraly aqparat alý rásiminiń merzimin 6 aıdan 1 jumys kúnine deıin qysqartty.

«QR mıneraldyq resýrstardyń ulttyq derekter banki» AJ-yn 2022 jyldyń sońyna deıin engizý josparlanýda. Joba jer qoınaýy týraly aqparat alý merzimin qysqartýǵa jáne osy saladaǵy ınvestıtsııalyq áleýetti tolyq kólemde iske asyrýǵa múmkindik beredi.

QR-da qatty paıdaly qazbalardy barlaýǵa sheteldik ınvestıtsııalardy tartýdyń jalpy kólemi 2030 jylǵa qaraı 96 mlrd teńge kóleminde boljanyp otyr.

Saýda jáne ıntegratsııa mınıstri Baqyt Sultanov azamattardyń jeke sáıkestendirý nómirleri bazasynda ashylǵan elektrondyq ámııandarǵa QR Ulttyq Bankiniń elektrondyq aqsha túrindegi áleýmettik tólemderdi aýdarýdy kózdeıtin «áleýmettik ámııan» pılottyq jobasyn engizý jónindegi jumystardyń barysy týraly baıandady.

Infraqurylym retinde QR Ulttyq Bankiniń tólem júıesi – Lezdik tólemder júıesi qosylady.

Bul joba halyqty áleýmettik qoldaý quraldaryn jetildirýge jáne tólemderdi alýshylardyń esebine proaktıvti túrde aýdarý múmkindigin qamtamasyz etýge múmkindik beredi.

Pılottyq joba 2021 jylǵy jeltoqsanda engiziledi, 2022 jyly ónerkásiptik paıdalanýǵa beriledi, 2023-2024 jyldary «áleýmettik ámııan» Ulttyq taýar ótkizý júıesimen kiriktiriletin bolady.

Otyrysqa qatysýshylar sondaı-aq 2025 jylǵa qaraı keminde 100 myń bilikti IT-maman daıarlaý jónindegi mindetterdi iske asyrý máselelerin qarastyrdy.

Bes jyl ishinde QR óńirlerinde 20 ınnovatsııalyq baǵdarlamalaý mektebin ashý, 50 óńirlik JOO-ny IT-kompanııalar men beıindi IT-JOO qamqorlyǵyna berý, baǵdarlamalaý mektepterine 20 myń grant bólý josparlanýda.

2023 jyldan bastap Qazaqstannyń barlyq orta mektepterinde «Informatıka» pánin UBT-ǵa engize otyryp, osy pán boıynsha «Vırtýaldy muǵalim» jobasyn engizý josparlanýda (qazirgi ýaqytta ShQO-nyń 150 mektebinde aprobatsııalanýda).

Úkimet basshysy ekonomıkany tsıfrlandyrý, kadrlar daıarlaý jáne IT-salasyn damytý boıynsha josparlanǵan barlyq jobalardyń ýaqtyly jáne sapaly júzege asyrylýyn qamtamasyz etýdi tapsyrdy.


Joǵary qaraı