Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın EAEO-nyń básekege qabilettiligin nyǵaıtý bastamasyn kóterdi

2020 jyldyń 9 qazan 2020 17:06

EREVAN. QazAqparat - QR Premer-Mınıstri Asqar Mamın Erevan qalasyna sapary aıasynda Eýrazııalyq úkimetaralyq keńes (EÚAK) otyrysyna qatysyp, onda jańa ekonomıkalyq shynaıylyq jaǵdaıynda EAEO-nyń básekege qabilettiligin nyǵaıtý boıynsha birqatar bastama kóterdi. Bul jaıynda Úkimet basshysynyń baspasóz qyzmetine silteme jasap QazAqparat habarlaıdy.

Úkimet basshysy erkin naryqtardyń tıimdi jumys isteýin qamtamasyz etý maqsatynda tsıfrlyq ıntegratsııalyq platformany paıdalaný jáne salyq, keden organdarynyń keńeıtilgen elektrondyq ózara is-qımyly negizinde EAEO-nyń salyqtyq-kedendik senim keńistigin qalyptastyrýdy usyndy.

«Mundaı jaǵdaıda Qazaqstan Prezıdenti Qasym-Jomart Kemeluly Toqaevtyń Odaqtyń múddeli elderimen ortaq taýar bólý jelisin qurý múmkindigin pysyqtaý týraly usynysy asa ózekti. Elderimizdiń geografııalyq ornalasýyn eskersek, EAEO Eýropa men Azııa arasyndaǵy «saýda habyna» ábden aınala alady» , — dep A. Mamın, QR-da qurylatyn Ulttyq taýar ótkizý júıesiniń modelin aýqymdandyrýdy jáne Eýrazııalyq taýar ótkizý júıesin qalyptastyrýdy usyndy.





Premer-Mınıstr kúsh-jigerdi Eýrazııalyq zııatkerlik kólik júıelerin qurýǵa shoǵyrlandyrý qajet ekenin atap ótti, bul qazirgi ınfraqurylymdy neǵurlym tıimdi paıdalanýǵa jáne tasymaldaýshylar men taýar óndirýshilerdiń shyǵystaryn ońtaılandyrýǵa múmkindik beredi.

Úkimet basshysy EAEO-da strategııalyq ótkizý pýnktterinde birlesken tirek synaq zerthanalaryn qurý týraly bastama kóterdi, bul ónimniń úshinshi elderdiń talaptaryna sáıkestigin rastaýǵa arnalǵan shyǵystardy aıtarlyqtaı tómendetýge múmkindik beredi.





Otyrysqa qatysýshylar Eýrazııalyq ekonomıkalyq ıntegratsııany damytýdyń 2025 jylǵa deıingi strategııalyq baǵyttarynyń jobasyn, transshekaralyq elektrondyq saýdany damytý, EAEO ishki naryǵyndaǵy shyǵaryp tastaý men shekteýlerdi joıý jónindegi jumys barysyn, ótken jylǵy EAEO bıýdjetiniń atqarylýy týraly esepterdi, EAEO-nyń 2021 jylǵa arnalǵan bıýdjetin qarady.

Eksportty damytýdyń birlesken sharalary jáne agroónerkásiptik keshendi damytýdyń 2020-2021 jyldarǵa arnalǵan birlesken boljamdary týraly ókimder qabyldandy.


Joǵary qaraı