Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Kásipkerlik máseleleri jónindegi jobalyq ofıs otyrysyn ótkizdi

2021 jyldyń 16 sáýir 2021 18:31

NUR-SULTAN. QazAqparat - QR Premer-Mınıstri Asqar Mamın Kásipkerlik máseleleri jónindegi jobalyq ofıs otyrysyn ótkizdi, dep habarlaıdy QazAqparat primeminister.kz saıtyna silteme jasap.

Jeńildikti nesıe berý baǵdarlamalarynyń monıtorıngi jáne memlekettik qoldaý sharalarynyń tıimdiligin baǵalaý týraly Premer-Mınıstrdiń orynbasary Roman Sklıar, memlekettik satyp alýdaǵy, «Samuryq-Qazyna» UÁQ» AQ jáne jer qoınaýyn paıdalanýshylardyń satyp alýlaryndaǵy jergilikti qamtý, óńirlerdiń ekonomıkalyq kartasyn ózektendirý barysy men mıkroqarjy uıymdaryn damytý máseleleri týraly «Atameken» UKP basqarma tóraǵasy Abylaı Myrzahmetov baıandady. Qazirgi tańda Jobalyq ofıs «Qarapaıym zattar ekonomıkasy», «Bıznestiń jol kartasy-2025», «Keń dala» jeńildikti nesıe berý baǵdarlamalarynyń jáne «QazAgro» holdınginiń basqa da qarjy quraldarynyń sýbektilik monıtorıngin júrgizýde. «Qarapaıym zattar ekonomıkasy» baǵdarlamasy boıynsha búginde qarjylandyrýdyń jalpy kóleminiń 72%-y iske asyryldy — ekinshi deńgeıdegi bankter 724,1 mlrd teńge somasyna 2903 jobany maquldady, 579,3 mlrd teńge somasyna 2317 joba sýbsıdııalandy. Maquldanǵan jobalardy iske asyrýdyń boljamdy tıimdiligi shamamen 22 myń jumys ornyn ashýdy kózdeıdi. Bıylǵy 13 sáýirde «Qarapaıym zattar ekonomıkasy» baǵdarlamasy aıasynda qoldaýǵa jatatyn qyzmettiń basym túrleri men taýarlardy keńeıtýdi, lızıngtik kompanııalardy baǵdarlama operatorlary retinde qosýdy, qarjy ınstıtýttary-baǵdarlama operatorlarynyń menshikti kapıtalynyń eń tómengi mólsheri týraly talapty 60-tan 50 mlrd teńgege deıin tómendetýdi kózdeıtin túzetýlerdiń 7-toptamasy kúshine endi.





Joǵary qaraı