Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın kásipkerlik máselesi boıynsha Jobalyq keńse otyrysyn ótkizdi

2020 jyldyń 22 qazan 2020 15:41

NUR-SULTAN. Qazaqparat - QR Premer-Mınıstri Asqar Mamın Jobalyq keńseniń kásipkerlik máseleleri jónindegi otyrysyn ótkizdi, dep habarlaıdy primeminister.kz.

Óńirlerdiń ekonomıkalyq kartasyn ázirleý, «Qarapaıym zattar ekonomıkasy» jeńildikpen nesıelendirý baǵdarlamasyn iske asyrý, jeńildikpen nesıelendirýdiń basqa da baǵdarlamalaryna monıtorıng júrgizý jónindegi jumys barysy, memlekettik organdardyń, «Samuryq-Qazyna» UÁQ» AQ jáne jer qoınaýyn paıdalanýshylardyń satyp alýlaryndaǵy jergilikti qamtý máseleleri qaraldy.

Otyrysqa Úkimet músheleri, QR Prezıdent Ákimshiliginiń ókilderi, óńirlerdiń ákimderi, «Samuryq-Qazyna» UÁQ» AQ, «Atameken» UKP, «Báıterek» UBH» AQ, «Damý» KDQ», «Agrarlyq nesıe korporatsııasy», Qazaqstan qarjygerler qaýymdastyǵy, óńirlik kásipkerler palatalarynyń basshylary jáne t. b. qatysty.

Úkimet basshysyna óńirlerdiń óndiristik mamandanýyn aıqyndaýǵa, óńirler, salalar jáne naqty memlekettik baǵdarlamalar bólinisinde memlekettik qoldaý sharalarynyń tıimdiligine taldaý júrgizýge múmkindik beretin óńirlerdiń Interaktıvti ekonomıkalyq kartasynyń jobasy tanystyryldy. Interaktıvti ekonomıkalyq karta úshin barynsha tolyq derekterdi Qostanaı, Qaraǵandy oblystarynyń jáne Shymkent qalasynyń ákimdikteri usynǵan, Jambyl, Túrkistan, Mańǵystaý, Shyǵys Qazaqstan oblystary jáne Nur-Sultan qalasy máseleni jetkilikti pysyqtap jatqan joq.

«Óńirlerdiń ınteraktıvtik ekonomıkalyq kartasy 2021-2025 jyldarǵa arnalǵan Óńirlik damý baǵdarlamalaryn ázirleý úshin negiz bolýy tıis. Kezeń-kezeńmen derekterdi ózektendirýdi qamtamasyz etý qajet. Jobalyq keńse ákimdikter men damý ınstıtýttary úshin kórsetkishterdiń túpkilikti tizbesin aıqyndaýy qajet», — dedi A. Mamın.

Aǵymdaǵy jylǵy 1 qazannan bastap «Qarapaıym zattar ekonomıkasy» baǵdarlamasyna túzetýlerdiń 6-toptamasy kúshine endi, olar ekonomıkalyq belsendilikti qalpyna keltirýde eleýli qoldaý kórsetýge baǵyttalǵan.




Máselen, Qazaqstannyń Damý bankiniń baǵdarlama operatory retinde qosylýy ımportty almastyrýǵa baǵyttalǵan ınfraqurylymdyq jobalardy qarjylandyrýǵa múmkindik beredi.

«Damý» qorynyń kepildikterin qaraý jáne berý merzimderin 25 jumys kúninen 15 jumys kúnine deıin qysqartý kózdelgen. AÓK salasyndaǵy jobalar úshin «Aýyl sharýashylyǵyn qarjylaı qoldaý qory» AQ-nyń 50%-dan 85%-ǵa deıingi mólsherde kepildik berý tetigi engizildi. Aǵymdaǵy jylǵy 19 qazandaǵy jaǵdaı boıynsha «Qarapaıym zattar ekonomıkasy» jeńildikti nesıelendirý baǵdarlamasy boıynsha 603 mlrd teńge somasyna 2492 joba maquldandy, 364,5 mlrd teńge somasyna 2192 joba sýbsıdııalandy. Jańa jobalardy pysyqtaý boıynsha kósh basynda Almaty qalasy, Qostanaı jáne Shyǵys Qazaqstan oblystary, eń tómengi kórsetkishter Aqmola, Mańǵystaý jáne Batys Qazaqstan oblystarynda tirkeldi.

Premer-Mınıstr Memleket basshysynyń bıznestiń qarsy mindettemelerine tsıfrlyq baqylaýdy engizý jónindegi tapsyrmasyna sáıkes bir aı merzimde zańnamaǵa tıisti ózgerister engizý máselesin pysyqtaýdy tapsyrdy.

«Memlekettik qoldaý barynsha joǵary nátıje alýǵa baǵyttalýy tıis. Sondyqtan birinshi kezekte, jumyspen qamtýdy saqtaý, salyqtar men óndiriletin ónim kólemin ulǵaıtýǵa qatysty bıznestiń qarsy mindettemelerin baqylaý qajet», — dedi A. Mamın.


Basty sózder: QR Úkimeti, Kásipkerlik, bıznes,
Joǵary qaraı