Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın qurylys qaldyqtaryna arnalǵan polıgondar salýdy tapsyrdy

2021 jyldyń 15 maýsym 2021 10:57

NUR-SULTAN. QazAqparat – QR Premer-Mınıstri Asqar Mamın qurylys qaldyqtaryna arnalǵan polıgondar salýdy tapsyrdy, dep habarlaıdy QazAqparat tilshisi.

«Óńirlerde ruqsatsyz qoqys úıindileriniń, sonyń ishinde, qurylys qoqystarynyń paıda bolý sebepteriniń biri – elde qurylys polıgondarynyń bolmaýy jáne jalpy polıgondardyń talaptarǵa sáıkes kelmeýi bolyp otyr. Indýstrııa mınıstrligine Ekologııa jáne Qarjy mınıstrlikterimen birlesip, turmystyq qatty qaldyqtarǵa arnalǵan polıgonnyń úlgilik jobasyn ázirleýdi tapsyramyn. Al ákimdiktermen birlesip, qoldanystaǵy zańnamanyń jańa talaptaryna sáıkes, qurylys polıgondaryn salý máselesin pysyqtasyn», - dedi Asqar Mamın Úkimettiń búgingi otyrysynda.

Sonymen birge, Premer-Mınıstr káriz-tazartý qurylystary máselesi de ózekti ekenin, olardyń sanıtarııalyq-ekologııalyq talaptarǵa sáıkes kelmeıtinin aıtty. Sondyqtan Indýstrııa mınıstrligine ákimdiktermen birlesip, osy baǵyttaǵy jumysty jandandyrýdy tapsyramyn.

«Ákimdikter bıylǵy aǵash otyrǵyzý josparlaryn oryndasyn. Jalpy kógaldandyrý, otyrǵyzylatyn aǵashtardyń ári qaraı ósip ketýi ákimdikterdiń turaqty baqylaýynda bolýy kerek. Sondaı-aq, otyrǵyzý materıalyn ósirý úshin tálimbaqtar men orman sharýashylyqtarynyń jaı-kúıine nazar aýdarylsyn», - dep tapsyma berdi Asqar Mamın.


Joǵary qaraı