Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Mańǵystaý oblysynda eńbek teńsizdigine jol bermeýdi tapsyrdy

2021 jyldyń 5 qazan 2021 09:50

NUR-SULTAN. QazAqparat – Mańǵystaý oblysynyń áleýmettik-ekonomıkalyq damýynyń 2021-2025 jyldarǵa arnalǵan keshendi josparyn maquldaǵan QR Premer-Mınıstri Asqar Mamın Eńbek jáne halyqty áleýmettik qorǵaý mınıstrligine óńirde eńbek teńsizdigine jol bermeýdi tapsyrdy, dep habarlaıdy QazAqparat tilshisi.

«20215-2025 jyldarǵan arnalǵan keshendi jospar boıynsha atalǵan kezeńde óńir ekonomıkasy 32 paıyz ósedi. Jalpy taıaýdaǵy jyldary munaı-gaz sektoryn, óńdeý ónerkásibin, týrımzdi, kólik pen logıstıkany jáne basqa salalardy damytý negizgi mindetke aınalmaq. Áleýmettik, ınjenerlik jáne kommýnaldyq ınfraqurylymdy damytý jobalary iske asyrylady. Qabyldanǵa sharalar esebinen óńir turǵyndary 100 paıyz sapaly aýyzsýmen qamtamasyz etiledi», - dedi Úkimet basshysy búgingi otyrysta.

Onyń aıtýynsha, keshendi jospardy iske asyrý 2025 jylǵa qaraı 60 myńǵa jýyq jańa jumys ornyn qurýǵa, ónerkásip kólemin 27% ósirýge, halyqtyń naqty tabysyn 40% ulǵaıtýǵa, ıaǵnı halyqtyń turmys sapasy men ál-aýqatyn shyn máninde jaqsartýǵa múmkindik beredi.

«Eńbek mınıstrligi ákimdiktermen birge jańa jumys oryndaryn qóurý máselelerin, eńbek qatynastary máselelerin sheshýdi erekshe baqylaýǵa alsyn. Kásiporyndarda eńbekaqy tóleý men eńbek jaǵdaılarynda teńsizdikke jol bermesin. Osyǵan baılanysty keshendi jospardy sapaly iske asyrý úshin barlyq kúsh-jigerimizdi jumsaýymyz qajet. Osy keshendi jospardyń jobasyn maquldaımyz. Ulttyq ekonomıka mınıstrligi men Mańǵystaý oblysynyń ákimdigi múddeli memlekettik organdarmen birge jospardyń is-sharalarynyń ýaqtyly oryndalýyn qamtamasyz etsin», - dedi Asqar Mamın.


Joǵary qaraı