Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın memlekettik shekarada baqylaýdy kúsheıtýdi qoldady

2021 jyldyń 30 qarasha 2021 09:53

NUR-SULTAN. QazAqparat – QR Premer-Mınıstri Asqar Mamın Densaýlyq saqtaý mınıstrliginiń memlekettik shekarada baqylaýdy kúsheıtý usynysyn qoldady, dep habarlaıdy QazAqparat tilshisi.

«Jalpy epıdemıologııalyq jaǵdaı turaqty kúıde saqtalyp tur. Statsıonarlyq jáne ambýlatorlyq emdeýdegi naýqastar sany aıtarlyqtaı azaıdy. Infektsııalyq aýrýhanalardaǵy oryndar 29 paıyzǵa, al reanımatsııalyq oryndar 23 paıyzǵa tolyq. «Qyzyl» aımaqta Soltústik Qazaqstan oblysy ǵana qalyp otyr, 5 óńir – «sary» aımaqta, 11 – «jasyl» aımaqta. Basqa elderde koronavırýstyń «Omıkron» degen jańa shtammynyń paıda bolǵanyn eskere otyryp, Memlekettik shekarada baqylaýdy kúsheıtý týraly Densaýlyq saqtaý mınıstrliginiń usynysyn qoldaımyn», - dedi Asqar Mamın Úkimet otyrysynda.

Premer-Mınıstr el ishinde de epıdemıologııalyq jaǵdaı únemi baqylaýda bolýy qajettigin, ǵımarattar men kólikte maska kııý, áleýmettik araqashyqtyqty saqtaý jalǵasý tıistigin basa aıtty.

«Halyqty vaktsınalaýmen jáne revaktsınalaýmen tıisinshe qamtamasyz etý kerek. Qazirgi ýaqytta shamamen 8,8 mln adam birinshi komponentti saldyrdy, bul 18 jastan asqan adamdardyń 76,6 paıyzy jáne 8 mıllıonnan astam adam ekinshi komponentti saldyrdy, bul – 70,8 paıyz. Biraq bul ujymdyq ımmýnıtetti qalyptastyrý úshin áli jetkiliksiz. Densaýlyq saqtaý mınıstrligine Aqparat mınıstrligimen jáne ákimdiktermen birlesip, osy baǵyttaǵy jumysty kúsheıtýdi tapsyramyn», - degen Premer-Mınıstr jalpy baqylaýdy orynbasary Eraly Toǵjanovqa júktedi.


Joǵary qaraı