Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın: Otandy qorǵaý ata-babalarymyz úshin qashan da qasıetti borysh sanalǵan

2021 jyldyń 7 mamyr 2021 08:34

NUR-SULTAN. QazAqparat - QR Premer-Mınıstri Asqar Mamın azamattardy Otan qorǵaýshy kúnimen quttyqtady, dep habarlaıdy QazAqparat Úkimettiń resmı saıtyna silteme jasap.

«Qurmetti qazaqstandyqtar, barshańyzdy Otan qorǵaýshy kúnimen quttyqtaımyn! Bul mereke – erliktiń, ar-namystyń, batyldyq pen patrıotızmniń sımvoly. Otandy qorǵaý bizdiń ata-babalarymyz úshin qashan da qasıetti borysh sanalǵan. Sol aǵa urpaqtyń dańqty dástúrin búginde Táýelsiz Qazaqstannyń Qarýly Kúshteri abyroımen jalǵastyryp keledi! Bizdiń armııamyz eldiń áskerı qaýipsizdigin qamtamasyz etýden bastap, tabıǵı jáne tehnogendik sıpattaǵy tótenshe jaǵdaılardyń saldaryn joıýǵa, sondaı-aq pandemııanyń taralýyna qarsy baǵyttalǵan aýqymdy mindetterdi tıimdi sheshe otyryp, memleketimizdiń egemendigi men aýmaqtyq tutastyǵyn kúzetýde. Táýelsiz Qazaqstannyń qorǵanys qabiletin nyǵaıtyp, elimizdegi tynyshtyq pen turaqtylyqty saqtaýǵa Ulttyq ulannyń áskerı qyzmetshileri, quqyq qorǵaý organdarynyń jáne arnaıy memlekettik organdardyń qyzmetkerleri, áskerı jıyndarǵa shaqyrylǵan áskerı qyzmetke mindetti azamattar men óziniń qyzmettik boryshyn atqaryp júrgen qazaqstandyqtar da qomaqty úlesin qosýda. Barlyq áskerı qyzmetshilerge myqty densaýlyq, beıbitshilik pen aman-saýlyq, Otanǵa aldyndaǵy ıgilikti isterine tabys tileımin!»,-delingen quttyqtaýda.


Joǵary qaraı