Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın otandyq ónimniń qoldanylýyn baqylaý jumysyn kúsheıtýdi tapsyrdy

2020 jyldyń 21 shilde 2020 11:45

NUR-SULTAN. QazAqparat – Úkimet basshysy Asqar Mamın óńir ákimdikterine otandyq taýarlardyń qoldanylýyn baqylaý jumysyn kúsheıtýdi tapsyrdy, dep habarlaıdy QazAqparat tilshisi.

«Memleket basshysy Qasym-Jomart Toqaev Úkimettiń keńeıtilgen otyrysynda «Qarapaıym zattar ekonomıkasy» baǵdarlamasy boıynsha qarajatty ıgerý qarqynyn ulǵaıtý qajettigine nazar aýdarǵanyn bilesizder. Mańyzdy mindet – ishki óndiristi jedel damytý jáne ónerkásiptik ózindik qamtamasyz etý deńgeıin joǵarylatý arqyly búkil ekonomıkaǵa jańa serpin berý. Osy baǵyttaǵy jumysty jalǵastyrý qajet», - dedi Asqar Mamın Úkimet otyrysynda.

Premer-mınıstr osyǵan baılanysty birneshe máselege nazar aýdarý kerektigin aıtyp ótti.

«Qarapaıym zattar ekonomıkasy» baǵdarlamasynyń sheńberinde 491,5 mlrd teńgege 2 myńnan astam joba maquldandy. Import almastyrýǵa baǵyttalatyn jobalardy oıdaǵydaı iske asyrý úshin qazirgi rásimdik jáne júıelik tosqaýyldardy joıý qajet. Qarjy naryǵyn retteý jáne damytý agenttigi Qarjygerler qaýymdastyǵymen jáne ekinshi deńgeıli banktermen birge bankterdiń bıznes-protsesterin ońtaılandyrý múmkindigin, atap aıtsaq, kredıttik ótinimderdi qaraý merzimin, qujattar tizbesin qysqartýdy jáne kepil saıasatyn ońaılatýdy qarastyrýy kerek. Júıelik tosqaýyldar boıynsha jobalyq ofıstiń jumysy aıasynda Ulttyq bankpen birge aınalym kapıtalyn 100 paıyz qarjylandyrýdy keńeıtý múmkindigi turǵysynan jumys júrgizýdi tapsyramyn», - dedi ol.

Asqar Mamın odan bólek «Qarapaıym zattar ekonomıkasynda» jergilikti qamtýdyń úlesin ulǵaıtýǵa qol jetkenin atap ótti.

«Almaty, Qaraǵandy, Qostanaı oblystary qazaqstandyq qamtý boıynsha úzdik óńirler bolyp otyr. Aqmola, Atyraý, Jambyl, Mańǵystaý oblystary, Nur-Sultan, Shymkent qalalary artta qalǵan. Barlyq ákimdikter, ásirese artta qalǵandar, otandyq taýardyń qoldanylýyn baqylaý jumysyn kúsheıtip, eseptiń shynaıylyǵyn qamtamasyz etýi qajet. Qurylys salasynda da osyndaı nátıjege jetýimiz kerek», - dedi Asqar Mamın.


Joǵary qaraı