Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın ShYU elderi Úkimet basshylary keńesiniń 20-otyrysyn ótkizdi

2021 jyldyń 25 qarasha 2021 18:55

NUR-SULTAN. QazAqparat - QR Premer-Mınıstri Asqar Mamın beınekonferentsııa baılanysy rejıminde Qazaqstannyń tóraǵalyǵymen Shanhaı yntymaqtastyq uıymynyń (ShYU) Úkimet basshylary keńesiniń (ÚBK) mereıtoılyq 20-otyrysyna qatysty, dep habarlaıdy QR Úkimetiniń baspasóz qyzmeti.

Úkimet basshysy ShYU-ǵa múshe memleketterdiń kópjaqty saýda-ekonomıkalyq yntymaqtastyǵy baǵdarlamasyn iske asyrý boıynsha bıyl qol jetkizilgen eleýli ilgerileýdi atap ótti. 2021 jyldyń 7 aıynda ShYU aıasynda ózara taýar aınalymynyń kólemi 40%-ǵa jýyq ulǵaıdy.

Qazaqstannyń Uıym elderimen taýar aınalymy bıylǵy qańtar-qyrkúıek aılarynda 2020 jyldyń sáıkes kezeńimen salystyrǵanda 19,1%-ǵa ósip, $36,5 mlrd qurady. Bul kórsetkish sondaı-aq pandemııaǵa deıingi 2019 jyl kezeńindegi kórsetkishten 22,1%-ǵa ($29,9 mlrd) joǵary.





A. Mamın ShYU-ǵa múshe memleketter arasynda aýyl sharýashylyǵy ónimderiniń saýdasyn yntalandyrý, ShYU-ǵa múshe memleketterdiń azyq-túlik qaýipsizdigi jónindegi yntymaqtastyq baǵdarlamasyn jáne ony iske asyrý josparyn jedel ári kezeń-kezeńimen oryndaýdy qamtamasyz etý qajet ekenin atap ótti. Pandemııaǵa qaramastan, 2020 jyly ShYU aıasynda AÓK ónimderiniń taýar aınalymy 12,4%-ǵa artyp, $15,4 mlrd qurady.

QR Premer-Mınıstri ShYU-ǵa múshe memleketterdiń azyq-túlik qaýipsizdigi rezervin jáne azyq-túlik salasyndaǵy ınvestıtsııalyq qordy qurý múmkindigin qarastyrýdy, sondaı-aq «ShYU-nyń jasyl beldeýi» baǵdarlamasyn iske asyrý jumysyn jandandyrýdy usyndy.

ShYU-ǵa qatysýshy elderdiń ózara saýda áleýetin tolyqqandy iske asyrý maqsatynda Úkimet basshysy Qazaqstan tarapy bastamashylyq etken Eýrazııalyq saýda jáne taýar ótkizý júıesine asa belsendi ıntegratsııalaný múmkindigin qarastyrýdy usyndy.

Premer-Mınıstr ShYU-nyń tranzıttik-kólik áleýetin iske asyrýdaǵy eleýli ilgerileýdi atap ótti. Bıylǵy jyldyń 10 aıynda Qazaqstan aýmaǵy arqyly Ortalyq Azııa, Parsy shyǵanaǵy elderi, Eýropa, Qıyr Shyǵys baǵyttary, sondaı-aq Transkaspıı baǵyty boıynsha shamamen 883,2 myń JFE tasymaldandy, bul ótken jyldyń sáıkes kezeńindegiden 25%-ǵa artyq. Qytaı – Eýropa – Qytaı baǵytyndaǵy tranzıttik konteıner tasymaldarynyń kólemi 36%-ǵa ósip, 604,5 myń JFE qurady.

«Bir beldeý, bir jol» bastamasyn, aımaqtaǵy eń iri tranzıttik hab retinde respýblıkanyń áleýetin, sondaı-aq ShYU-nyń 2025 jylǵa deıingi Damý strategııasy sheńberinde kólik ınfraqurylymyn damytý boıynsha mindetterdi júzege asyrý maqsatynda Qazaqstan Úkimetiniń baǵdarlamalaryn odan ári iske asyrý bizdiń elderimizdi odan ári ıntegratsııalaý jáne biz óndiretin qunnyń úshinshi elder naryqtaryna shyǵý áleýetin arttyrý úshin berik negiz quraıdy», — dedi A. Mamın.

Úkimet basshysy QHR-men shekaradaǵy temir joldardaǵy qazirgi jaǵdaı tranzıttik-kólik aǵynyn odan ári arttyrýǵa qater tóndiretinin atap ótti. QR Premer-Mınıstri qytaılyq áriptesterden júk aǵyndaryn qalpyna keltirý jáne ulǵaıtý boıynsha jedel sharalar qabyldaýdy qarastyrýdy surady, bul búkil aımaq boıynsha saýda-sattyq kólemine oń áserin tıgizetin bolady.

Otyrysqa Úndistannyń syrtqy ister mınıstri Sýbramanıam Djaıshankar, QHR Memlekettik keńesiniń premeri Lı Ketsıan, Qyrǵyzstan mınıstrler kabınetiniń tóraǵasy – Prezıdenti ákimshiliginiń basshysy Aqylbek Japarov, Reseı Úkimetiniń Tóraǵasy Mıhaıl Mıshýstın, Pákistan syrtqy ister mınıstri Mahmýd Shah Kýreshı, Tájikstan Premer-Mınıstri Kohır Rasýlzoda, Ózbekstan Premer-Mınıstri Abdýlla Arıpov, Belarýs Premer-Mınıstri Roman Golovchenko, Mońǵolııa Premer-Mınıstri Lývsannamsraın Oıýýn-Erdene, Irannyń birinshi vıtse-prezıdenti Mohammad Mohber, Túrikmenstan mınıstrler kabıneti tóraǵasynyń orynbasary Serdar Berdymýhamedov jáne t. b. qatysty.

ShYU-ǵa múshe memleketter arasyndaǵy saýda-ekonomıkalyq jáne mádenı-gýmanıtarlyq salalardaǵy yntymaqtastyqty tereńdetý sharalary talqylandy. ShYU Іskerlik keńesi men Bankaralyq birlestiginiń 2020-2021 jyldardaǵy qyzmeti, uıymnyń 2022 jylǵa arnalǵan bıýdjeti jáne ShYU-nyń turaqty jumys isteıtin organdarynyń qarjylyq jáne uıymdastyrýshylyq qyzmetine baılanysty basqa da máseleler qaraldy. Birlesken kommıýnıke men ShYU Tehnoparkter pýlyn qurý tujyrymdamasy qabyldandy.



Basty sózder: QR Úkimeti, ShYU, QR Premer-Mınıstri,
Joǵary qaraı