Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın: Úkimet agroónerkásiptik keshendegi jańa jobalardy qoldaıdy

2020 jyldyń 22 qyrkúıek 2020 10:26

NUR-SULTAN. QazAqparat – Úkimet agroónerkásiptik keshendegi jańa jobalardy qoldaıdy. Bul týraly Úkimet otyrysynda Premer-Mınıstr Asqar Mamın málim etti, dep habarlaıdy QazAqparat tilshisi.

«Jańa jobalardy usynyńyzdar, olardy qoldaımyz. Buǵan Úkimet tarapynan basymdyq beriledi. Bizdiń aldymyzǵa tıisti mindet júkteldi, óńirde azyq-túlik habyn qurý maqsaty bar. Atap aıtqanda, agroónerkásiptik keshendi damytý, eksporttyq áleýetti kóterý úshin múmkindik joǵary», - dedi A. Mamın onlaın rejımde Aqmola jáne Qostanaı oblystaryndaǵy iri sharýashylyq basshylarynyń baıandamasyn tyńdaý barysynda.

«Eńbek ónimdiligin arttyryp, jańa tehnologııalardy engizip, jańa eksporttyq naryqtarǵa shyǵý kerek. Memleket bastamalaryńyzdy tolyqtaı qoldaıdy. Bul qadamdar elimizdiń barlyq óńirindegi agrarlyq qyzmetkerlerge qatysty, sáıkesinshe qoldaý jasaımyz», - dedi Úkimet basshysy.

Osy oraıda A. Mamın Qazaqstanda ekonomıkany datytýda aýqymdy áleýet bar ekenin, ony tolyqtaı júzege asyrý qajettigin atap ótti.

Budan buryn habarlanǵandaı, bıyl gektaryna 12,3 tsentner ortasha túsimdilikpen 18,2 mln tonna astyq bastyryldy.

Úkimet otyrysynda Premer-Mınıstr astyqty satyp alý men tasymaldaýǵa qatysty birqatar tapsyrma berdi.


Joǵary qaraı