Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Mamın Jańǵyrtý jónindegi ulttyq komıssııa otyrysyn ótkizdi

2021 jyldyń 21 qyrkúıek 2021 16:49

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen QR Parlamenti Májilisiniń tóraǵasy Nurlan Nyǵmatýlınniń qatysýymen Jańǵyrtý jónindegi ulttyq komıssııa otyrysy ótti, dep habarlaıdy primeminister.kz.

«QR Tuńǵysh Prezıdenti – Elbasy Nursultan Nazarbaevtyń bes ınstıtýtsıonaldyq reformasyn iske asyrý jónindegi 100 naqty qadam» Ult josparynyń jáne Memleket basshysy Qasym-Jomart Toqaevtyń Qazaqstan halqyna arnaǵan Joldaýynyń oryndalý barysy qaraldy.

Atqarylyp jatqan jumystar týraly ulttyq ekonomıka mınıstri Áset Erǵalıev, ındýstrııa jáne ınfraqurylymdyq damý mınıstri Beıbit Atamqulov, ekologııa, geologııa jáne tabıǵı resýrstar mınıstri Serikqalı Brekeshev, energetıka mınıstri Maǵzum Myrzaǵalıev, tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, densaýlyq saqtaý mınıstri Alekseı Tsoı, bilim jáne ǵylym mınıstri Ashat Aımaǵambetov, Strategııalyq josparlaý jáne reformalar agenttiginiń tóraǵasy – AHQO basqarýshysy Qaırat Kelimbetov jáne t. b. baıandady.
Qazirgi ýaqytta Ult josparynyń 100 qadamynyń 72-si iske asyryldy: «Kásibı memlekettik apparatty qalyptastyrý» baǵyty boıynsha 15 qadamnyń 13-i, «Zań ústemdigin qamtamasyz etý» baǵyty boıynsha barlyq 19 qadam, «Indýstrııalandyrý jáne ekonomıkalyq ósim» boıynsha 50 qadamnyń 27-si, «Biregeılik jáne birlik» baǵyty boıynsha 6 qadamnyń 3-ýi, «Esep beretin memleketti qalyptastyrý» baǵyty boıynsha barlyǵy 10 qadam júzege asyryldy. Bıyl «Kásibı memlekettik apparatty qalyptastyrý» men «Indýstrııalandyrý jáne ekonomıkalyq ósim» baǵyttary boıynsha 9 qadamdy oryndaý josparlanǵan. Otyrysta qurylys salasyndaǵy jobalarǵa memlekettik saraptamany básekeli ortaǵa berý, qatty paıdaly qazbalar men kómirsýtek shıkizaty qorlary boıynsha eseptilik standarttarynyń halyqaralyq júıesin engizý, Tehnologııalyq damý ortalyqtaryn qurý, EYDU standarttaryna sáıkes monopolııaǵa qarsy organnyń qyzmetin odan ári jetildirý, AHQO jáne QR-daǵy kapıtal naryqtaryn damytý máseleleri qaraldy. Barlyq tirek jáne seriktes aýyldyq eldi mekenderdi feldsherlik-akýsherlik pýnkttermen jáne dáriger ambýlatorııalarymen qamtamasyz etýge, stýdentter jataqhanalaryn salýǵa, memlekettik organdar men kvazımemlekettik sektordyń derekter bazasynyń ıntegratsııalanǵan júıesin qurýǵa qatysty jumys barysy talqylandy.
Kásipkerlik qyzmet salasynda jańa retteýshilik saıasatty engizý máselelerine erekshe nazar aýdaryldy. Tıisti zań jobasyn Úkimet ázirlep, Parlament Májilisiniń qaraýyna jiberdi. Kásipkerlik qyzmetti retteýdegi jańa tásilderdi iske asyrý bızneske júktemeni túbegeıli túrde azaıtýǵa jáne jańa ekonomıkalyq shynaıylyq jaǵdaıynda iskerlik belsendilikti damytýǵa serpin berýge jol ashady.
Premer-Mınıstr «QR Tuńǵysh Prezıdenti – Elbasy Nursultan Nazarbaevtyń bes ınstıtýtsıonaldyq reformasyn iske asyrý jónindegi 100 naqty qadam» Ult josparyn jáne Memleket basshysy Qasym-Jomart Toqaevtyń Qazaqstan halqyna Joldaýyn tolyq jáne sapaly oryndaý boıynsha belsendi jumysty jalǵastyrýdy tapsyrdy.

Basty sózder: QR Úkimeti, QR Premer-Mınıstri,
Joǵary qaraı