Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asqar Shákirov BUU Bas hatshysynyń kómekshisimen kezdesti

2021 jyldyń 14 qazan 2021 09:55

NUR-SULTAN. QazAqparat - Senat Tóraǵasynyń orynbasary Asqar Shákirov BUU Bas hatshysynyń kómekshisi Mırıana Spolıarıch Eggermen kezdesti. Bul týraly QazAqparat Senatqa silteme jasap habarlaıdy.

Іs-shara barysynda suhbattasýshylar Qazaqstannyń BUU-men yntymaqtastyǵyn odan ári nyǵaıtý máselelerin talqylady.

Kezdesýde 2030 jylǵa deıingi Ornyqty damý salasyndaǵy kún tártibi keńirek qozǵaldy.

«Qazaqstanda ulttyq baǵdarlamalardyń negizgi parametrleri BUU-nyń Ornyqty damý maqsattarymen (ODM) sáıkestendirildi. Qazirgi tańda olardyń 80 paıyzy eldiń strategııalyq qujattaryna ıntegratsııalandy. Qazaqstan 2022 jyly Ornyqty damý jónindegi joǵary deńgeıdegi saıası forýmda osy saladaǵy jetistikterge arnalǵan óziniń ekinshi Erikti ulttyq sholýyn usynady. Ornyqty damý maqsattaryn ulttyq deńgeıde iske asyrýda Qazaqstan Parlamenti negizgi ról atqarady», – dedi Asqar Shákirov.

Sondaı-aq Qazaqstan Prezıdenti Qasym-Jomart Toqaevtyń BUU qamqorlyǵymen Qazaqstanda Ortalyq Azııa elderi men Aýǵanstan úshin ODM-nyń Óńirlik ortalyǵyn qurý týraly bastamasyn iske asyrýdyń mańyzy atap ótildi.

Aýǵanstandaǵy ahýaldy talqylaý kezinde BUU Bas hatshysynyń kómekshisi Qazaqstan Prezıdentiniń Almatyǵa BUU-nyń Aýǵanstanǵa járdemdesý boıynsha mıssııasynyń qashyqtan jumys isteıtin keńsesin ýaqytsha ornalastyrý týraly sheshimin joǵary baǵalady.

«Almatyǵa BUU-nyń Aýǵanstanǵa járdemdesý boıynsha mıssııasyn ýaqytsha ornalastyrý týraly sheshim Qazaqstannyń óńirlik jáne jahandyq qaýipsizdikti qamtamasyz etýdegi rólin aıqyn kórsetti. Bizdiń elimiz Aýǵanstanǵa gýmanıtarlyq kómek kórsetýge arnalǵan halyqaralyq isterge óz úlesin qosýǵa daıyn», – dedi vıtse-spıker.

Sonymen qatar Asqar Shákirov BUU-nyń mamandandyrylǵan mekemelerin damýshy elderde birlesken jobalardy iske asyrý arqyly Damý úshin resmı kómek (DRK) salasyndaǵy ýákiletti organ KazAID agenttigimen yntymaqtasýǵa shaqyrdy. Qazaqstan sońǵy 20 jylda shet memleketterge Damý úshin resmı kómekke balama maqsattar úshin 540 mıllıon dollardan astam qarajat bólgen.

Óz kezeginde BUU ókili Qazaqstannyń qol jetkizgen jetistikterine toqtalyp ótti. Sondaı-aq, Qazaqstannyń táýelsizdik alǵaly retseptıent elden donor elge aınalǵanyna jáne adam damýyndaǵy jetistikterine erekshe nazar aýdardy. Sondaı-aq, Mırıana Spolıarıch Egger Qazaqstanda júrgizilip jatqan ózgeristerdiń tıimdiligin atap ótip, adam quqyqtary BUUDB saıasaty men damý baǵdarlamalarynyń mańyzdy aspektisine aınalatynyn tilge tıek etti.

Budan basqa, taraptar ODM-ǵa qatysty BUU qurylymdary men EQYU Parlamenttik Assambleıasy arasyndaǵy yntymaqtastyqty damytý keleshegin talqylady. Aıta kteıik, qazaqstandyq senator EQYU Parlamenttik Assambleıasynyń vıtse-prezıdenti jáne ODM boıynsha Assambleıanyń arnaıy ókili retinde ókildik etedi.


Joǵary qaraı