Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Asqar Ýmarov Aqparat jáne qoǵamdyq damý mınıstri bolyp taǵaıyndaldy

2022 jyldyń 11 qańtar 2022 18:45

NUR-SULTAN. QazAqparat - Asqar Ýmarov QR Aqparat jáne qoǵamdyq damý mınıstri qyzmetine taǵaıyndaldy, dep habarlaıdy QazAqparat tilshisi.

Asqar Qýanyshuly Ýmarov 1976 jyly Almatyda týǵan. Turan ýnıversıtetin bitirgen.

Mamandyǵy boıynsha biliktiligi: halyqaralyq ekonomıkalyq qatynastar.

Eńbek jolyn 1996 jyly jekemenshik kompanııada týrısterdi jóneltý bóliminiń kómekshisi bolyp bastady.

1997-1998 jj. — «Mádenıet máseleleri jónindegi respýblıkalyq ǵylymı ortalyqtyń» áleýmettik-ekonomıkalyq máseleler bóliminiń jetekshi mamany.

1998-1999 jj. — «Qazaqstannyń shaǵyn bıznesi» jýrnalynda marketıng jónindegi maman.

2001-2005 jj. — «Novostı nedelı» RG» JShS tilshisi.

2005-2006 jj. — Qazaqstan RTRK AQ – Astana TRO fılıaly Aqparattyq-taldaý baǵdarlamalary dırektsııasynyń Almaty bıýrosynyń bas redaktory.

2007-2010 jj. — jeke kompanııalarda basshylyq qyzmetterdi atqardy.

2011-2013 jj. — «Túrki akademııasy» KEAQ vıtse-prezıdenti.

2013-2014 jj. — jeke uıymnyń kreatıvti dırektory.

2014-2015 jj. — «Astana EKSPO-2017» UK» AQ basqarýshy dırektory.

2016-2017 jj. — qoǵamdyq qordyń prezıdenti.

2017-2021 jj. — «QazAqparat» HAA JShS bas dırektory.

Asqar Qýanyshuly 2017 jyldan 2021 jyldyń tamyzyna deıin «QazAqparat» halyqaralyq aqparat agenttigi» AQ Basqarma tóraǵasy boldy .

2021 jyldyń tamyzynan 2022 jyldyń qańtaryna deıin Aqparat jáne qoǵamdyq damý vıtse-mınıstri bolyp jumys istegen.

Joǵary qaraı